"اراب كوكتەمى". فوتو: Medium.

مىسىر پرەزيدەنتى ءبىر كۇن بۇرىن جاساعان مالىمدەمەسىندە، اراب الەمىندە ورىن العان «رەۆوليۋتسيادا» 1 ميلليوننان استام ادام قازا تاپقانىن، ال ينفراقۇرىلىمدىق شىعىندار شامامەن 1 ترلن اقش دوللارىنا جۋىق ەكەنىن ايتتى. بۇل تۋرالى «شينلاڭ» اقپاراتتىق سايتى حابارلادى.

باتىس اقپارات كوزدەرىنىڭ مالىمدەۋىنشە، مىسىر پرەزيدەنتى حاليل اس-سيسي وسىدان ءبىر كۇن بۇرىن ءوزىنىڭ 4 جىلدىق پرەزيدەنتتىك قىزمەتىنىڭ ەسەبىن جاريالاعان. ول سوزىندە «ءسۇريا، يراك، ليۆيا جانە يەمەن قاتارلى ەلدەردە تۋىلعان بۇل وقيعالار ۇلكەن شىعىنعا ۇشىراتتى. كەيبىر حالىقارالىق باقىلاۋ ناتيجەسى كورسەتكەندەي، ينفراقۇرىلىمدىق شىعىندار 900 ميلليارد اقش دوللارىن قۇرادى، سونىمەن قاتار، 1,4 ملن ادام قازا تاۋىپ، 15 ملن ادام بوسقىنعا اينالعان»، – دەگەن مالىمەتتەردى ايتتى.

«Jerusalem Post» 15 قاڭتارداعى سانىندا وسى تاقىرىپتى ايتا كەلىپ، ايماقتاعى ادامدار ءۇشىن «اراب كوكتەمىنە» 7 جىل تولۋىن ەسكە الۋدىڭ ءوزى اۋىر ەكەنىن جازعان. اتالعان باسىلىم BBC-گە سىلتەمە جاساي وتىرىپ، ءتۋنيستى «اراب كوكتەمىنىڭ» «جەمىسى» رەتىندە كورسەتەدى. وندا جاستاردىڭ جۇمىسسىزدىق دەڭگەيى 35 پايىزعا دەيىن كوتەرىلگەن. تۋنيس ديكتاتۋرانى قۇلاتىپ، دەموكراتيانى جاقتايتىن ۇكىمەت قۇردى. الايدا، ەلدىڭ جالپى ىشكى ءونىم قۇنى قۇلدىراپ كەتكەن. ورتا-تاياۋ شىعىس ەلدەرىنە وسىنشالىق اۋىر شىعىن اكەلگەن «اراب كوكتەمىن» باتىس ەلدەرى ءالى دە ناسيحاتتاي ما؟

“The Qazaq Times”