بىرىككەن اراب امىرلىگى العاش رەت ەۆرەي مەملەكەتىنىڭ باسشىسىن كۇتىپ الماق.  يزرايل پرەمەر-ءمينيسترى بەنيامين نەتانياحۋ ءباا-نە رەسمي ساپارمەن بارعان العاشقى ەۆرەي باسشى رەتىندە تاريحتا قالعالى وتىر. بۇل تۋرالى ەۆرەي باسپاسوزدەرىنە سىلتەمە جاساپ «انادولى» اقپاراتتىق اگەنتتىگى حابارلاعان.  

يزرايل پرەمەرى بۇل تاريحي ساپارىندا اراب امىرلىگىنىڭ مۇراگەر حانزاداسى مۇحاممەد بين زايەدپەن كەزدەسەدى. بۇل ارقىلى تاراپتار يزرايل مەن ءباا اراسىندا ديپلوماتيالىق قارىم-قاتىناستىڭ رەسمي قالىپتاسقانىن ايعاقتايدى.

بىلتىر قىركۇيەكتى ۋشينگتوننىڭ ارا اعايىن بولۋىمەن يزرايل مەن بىرنەشە اراب ەلدەرى اراسىندا قارىم-قاتىناستى قالپىنا كەلتىرۋ تۋرالى سويلەسۋلەر ناتيجەلى كەلىسىمگە قول جەتكىزدى. ناتيجەسىندە، ورتا شىعىستا تاريحي وزگەرىستەر ورىن الىپ، يزرايل مەن كەيبىر اراب ەلدەرى اراسىندا ديپلوماتيالىق قاتىناس جاندانا ءتۇستى.

“The Qazaq Times”