تاراپتار ەلشىلىك قۇرۋدى قاڭتار ايىندا ماقۇلداسقان ەدى. فوتو: ءال-جازيرا

بىرىككەن اراب امىرلىگى يزرايلگە تۇڭعىش رەت ەلشىسىن جىبەردى. ناۋرىزدىڭ العاشقى كۇنى اراب ەلشىسى ەۆرەي ەلىنىڭ پرەزيدەنتىنە  سەنىم گراموتاسىن تابىستادى. بۇل سوڭعى جارتى عاسىردان استام ۋاقىتتاعى ورتا شىعىستا بولعان سيرەك جاعداي رەتىندە باعالانۋدا.

تەل-اۆيۆكە بارعان بىرىككەن اراب امىرلىگىنىڭ ەلشىسى مۇحاممەد ماحمۋد ءال-حاجا اراب ەلدەرىنەن يزرايلگە بارعان العاشقى رەسمي ەلشى سانالدى. ول كەشە يزرايل پرەمەر-ءمينيسترى بەنيامين نەتانياحۋمەن جانە ءسىم باسشىسى عابي اشكەنازيمەن كەزدەستى.

بىرقاتار اراب ەلدەرى مەن يزرايل اراسىندا «رەسمي قارىم-قاتىناستى قايتا قالپىنا كەلتىرۋ» پروتسەسى بىلتىر اقش-تىڭ ارا اعاينى بولۋىمەن جۇزەگە اسا باستادى. قۇراما شتاتار تاراپتاردىڭ جوعارى لاۋازىمدىلارىن اق ۇيگە شاقىرىپ، يزرايل مەن ءباا، كۋۆەيت، كاتار قاتارلى اراب ەلدەرىنىڭ قارىم-قاتىناسىن نىعايتۋ تۋرالى كەلىسسوزدەر وتكىزدى.

ناتيجەسىندە ۇزاق ۋاقىت تەكە-تىرەستەگى ورتا شىعىس ەلدەرى تاتۋلىققا قادام تاستاي باستادى. بۇل سونداي-اق، ۋاشينگتوننىڭ ايماقتاعى ستراتەگياسىنىڭ جاڭا باعىتىن دا كورسەتكەندەي بولدى.

“The Qazaq Times”