«استانا» حالىقارالىق قارجى ورتالىعى رەسمي تۇردە جۇمىسىن باستادى. بۇل تۋرالى ورتالىقتىڭ ءباسپاسوز قىزمەتى حابارلادى. 

بۇدان بولەك، احقو جانىنان قارجى قىزمەتتەرىن رەتتەۋ جونىندەگى كوميتەت جۇمىس ىستەيدى.

"استانا" حالىقارالىق قارجى ورتالىعى رەسمي تۇردە ىسكە قوسىلىپ، كومپانيالاردى تىركەۋدى باستايدى. احقو-دا قارجى قىزمەتتەرىن رەتتەۋ جونىندەگى كوميتەت ءوز قىزمەتىن باستادى. ول ينۆەستيتسيالار مەن اكتيۆتەردى باسقارۋدى قوسا العاندا، private banking, باسقارۋ جانە قورلاردى اكىمشىلەندىرۋ، كاستودياندىق قىزمەت، يسلامدىق قارجىلاندىرۋ، سونداي-اق وكىلدىكتەرىنىڭ جۇمىسىن ليتسەنزيالايدى", - دەلىنگەن ءباسپاسوز حابارلاماسىندا.

مالىمەتتەرگە قاراعاندا قارجى ورتالىعى لوندون، نيۋ-يورك، گونكونگ، سينگاپۋر، دۋباي سىندى الەمدەگى جەتەكشى قارجى ورتالىقتارىنىڭ ستاندارتتارىنا ساي نەگىزدەلگەن ەرەجەلەرى بار ارنايى يۋريسديكتسيانى ىسكە قوسقان.

سونداي-اق،  كوممەرتسيالىق جانە ازاماتتىق داۋلاردى قاراستىراتىن تاۋەلسىز سوت پەن حالىقارالىق اربيتراجدىق ورتالىق قۇرىلعان. احقو بازاسىندا الەمدىك ۇزدىك ستاندارتتارعا سايكەس كەلەتىن جوعارى تەحنولوگيالى بيرجا (AIX) جۇمىس ىستەيدى.

ايتا كەتەيىك، 2015 جىلدىڭ جەلتوقسانىندا نۇرسۇلتان نازارباەۆ "استانا" حالىقارالىق قارجى ورتالىعىن قۇرۋ تۋرالى كونستيتۋتسيالىق زاڭعا قول قويعان. احقو-نىڭ ماقساتى - حالىقارالىق دەڭگەيدەگى قارجى قىزمەتتەرىنىڭ ورتالىعىن قۇرۋ.

“The Qazaq Times”