اقش قازاقستاندى قاۋىپسىز ەلدەر تىزىمىنە قوستى

اقش-تىڭ مەملەكەتتىك دەپارتامەنتى تۋريستەردىڭ ءتۇرلى ەلدەرگە بارۋ كەزىندە ونداعى قاۋىپتىڭ قانداي دەڭگەيدە ەكەنىن انىقتاۋىنا مۇمكىندىك بەرەتىن ينتەراكتيۆتى كارتانى قۇراستىردى. 

ءبىرىنشى توپتا ءبىرشاما سەنىمدى، قاۋىپسىزدىكتىڭ قاراپايىم ەرەجەلەرىن ساقتاۋعا بولاتىن ەلدەر تۇر. بۇل كاتەگورياعا شىعىس ەۋروپا، سكانديناۆيا ەلدەرى، بەلارۋس، قازاقستان، وزبەكستان كىرگەن.

ال ەكىنشى توپتا قاۋىپسىزدىك بارىنشا ساقتالۋى ءتيىس ەلدەر بار. ولار تەراكت دەڭگەيى جوعارى باتىس ەۋروپا ەلدەرى مەن ۋكراينا. ال ءۇشىنشى توپتا بارۋدى تاعى ءبىر قاراپ شىعۋعا بولاتىن ەلدەر تۇر. ولار:  رەسەي، تۇركيا، پاكىستان، نيگەر، چاد، نيگەريا.

ال مۇلدە بارۋدىڭ قاجەتى جوق ەلدەر رەتىندە اۋعانستان، يران، سيريا، ليۆيا، يەمەن، سولتۇستىك كورەيا ءتورتىنشى ورىنعا جايعاسقان.

مەملەكەتتىك دەپارتامەنتتىڭ وكىلى  ميشەل بەرنە-توتتىڭ تۇسىندىرۋىنشە،  ەلدەردىڭ جاڭا ءتىزىمىن جاساۋدا بۇدان بۇرىن ەسكەرتۋلەر مەن ۇسىسىنتاردىڭ بارلىعى اۋىستىرىلعان. «ەسكەرتۋلەر مەن ۇسىنىستار حالىقتى مۇلدە شاتاستىرادى. ءتىپتى ولاردىڭ ايىرماشىلىعىن ارىپتەستەرىمە تۇسىندىرۋدەن شارشادىم، سوندىقتان بىزگە حالىققا الدەقايدا تۇسىنىكتى، قولجەتىمدى اقپاراتتى جاساپ شىعۋعا تۋرا كەلدى", - دەپ كەلتىرەدى The Washington Post ميشەل بەرنە-توتتىڭ ءسوزىن.