فوتو: dw.com

اقش 2004 جىلدان 2020 جىلعا دەيىن ۋكرايناعا ەسكىرگەن قارۋ-جاراق قورلارىن جويۋعا جانە سوعىس ايماقتارىن وق-دارىلەردەن تازارتۋعا 68,114 ميلليون دوللار بولگەن. مۇنداي مالىمەتتەر مەملەكەتتىك دەپارتامەنتتىڭ ەسكى قارۋلاردى جويۋعا قاتىسۋى تۋرالى جىل سايىنعى ەسەبىندە كەلتىرىلگەن.

كسرو ىدىراعاننان كەيىن ۋكراينادا قالعان ارسەنال قارۋ-جاراقتارىنىڭ كوپشىلىگى ەسكىرگەن جانە قولدانۋعا جارامسىز. ولار ۇلتتىق، ايماقتىق جانە جاھاندىق دەڭگەيدە قاۋىپ توندىرەدى. سونىمەن قاتار، ۋكراينانىڭ شىعىسىنداعى دەماركاتسيا سىزىعىنداعى مينالار مەن جارىلماعان وق-دارىلەر قاقتىعىس ايماعىندا تۇراتىن ۋكرايندەر ءۇشىن قاۋىپتى.

بايانداما وزگە دە پوستكەڭەستىك ەلدەرگە قاتىستى. ماسەلەن، گرۋزيا 1998 جىلدان 2020 جىلعا دەيىن ەسكىرگەن قارۋ-جاراقتى مينادان تازارتۋ جانە جويۋ ءۇشىن اقش-تان 40,845 ميلليون دوللار العان. ال تاجىكستان 2005-2020 جىلدارى 29,172 ميلليون دوللار العان. قىرعىزستانعا 2009-2020 جىلدارى 3,292 ملن دوللار ءبولىندى.

1993 جىلدان باستاپ اقش ادەتتەگى قارۋ-جاراق پەن جارىلعىش زاتتاردان بولاتىن قاۋىپتى ازايتۋ ءۇشىن 100-دەن استام ەلگە 4 ميلليارد دوللاردان استام قاراجات بولگەنىن اتاپ ءوتتى مەملەكەتتىك دەپارتامەنت.

"The Qazaq Times"