سۇيىتىلعان گازدىڭ كوتەرمە باعاسى قىمباتتادى

2018 جىلدىڭ  1 قاڭتاردان باستاپ قازاقستاندا سۇيىتىلعان مۇناي گازدىڭ (سمگ) شەكتى كوتەرمە باعاسى تونناسىنا 34,319 تەڭگەدەن 38,701 تەڭگەگە دەيىن ۇلعايتىلدى.  مۇندا قوسىلعان قۇن سالىعى (ققس) ەسەپكە الىنباعان، دەپ حابارلايدى قر ەنەرگەتيكا مينيسترلىگىنىڭ ءباسپاسوز قىزمەتى.

«شەكتى باعالارىن ايقىنداۋ قاعيدالارىنا سايكەس سمگ باعاسى ەسەپ ايىرىسۋ، باعا تونناسىنا ققس-سىز 52 538,27 تگ/ت قۇراۋى كەرەك. مينيسترلىك قاعيدالارىنىڭ 14 تارماعىنا سايكەس 2014 جىلى ىشكى نارىقتا سۇيىتىلعان مۇناي گازىنىڭ ەڭ جوعارى كوتەرمە ساۋدادا وتكىزۋدىڭ شەكتى باعاسىن بەكىتكەن دەڭگەيىندە ۇستاپ قالادى،  ياعني  توننا ءۇشىن ققس-سىز 38,701 تەڭگە دەڭگەيىندە»، - دەلىنگەن ءباسپاسوز حابارلاماسىندا.

ۆەدومستۆونىڭ مالىمەتىنشە، باعانىڭ ءوسۋى الەمدىك باعالاردىڭ وسۋىنەن تۋىنداعان، ويتكەنى سۇيىتىلعان مۇناي گازدىڭ كوتەرمە باعاسى حالىقارالىق نارىقتا باعا بەلگىلەنىمدەرىنە تاۋەلدى.

بۇدان بولەك مينيسترلىك "سۇرانىستىڭ ارتتىرۋىنا بايلانىستى، سونداي-اق ىشكى نارىقتا سمگ كوتەرمە ساۋدا باعالارىنىڭ تومەنگىدىگىنەن ونى وندىرۋشىلەر جانە مەنشىك يەلەرىنىڭ شىعىندارى كوبەيگەنىن" ايتادى.

وسىلايشا قر ەنەرگەتيكا مينيسترلىگى سۇيىتىلعان مۇناي گازبەن ىشكى نارىقتى  قامتاماسىز ەتۋ، سمگ تاپشىلىعى فاكتىلەرىن بولدىرماۋ ءۇشىن جان-جاقتى شارالار قابىلداماق.

“The Qazaq Times”