رەسەيدىڭ كوگىلدىر وتىنىن تەك قانا رۋبلمەن ساتىپ الۋ تالابى ەۋروپا كوشباسشىلارى تارابىنان كەرى قايتارىلدى. ال، رەسەي پرەزيدەنتى ۆلاديمير پۋتين بولسا تابيعي گازدى تەك ۇلتتى ۆاليۋتامەن عانا ساتۋعا مۇمكىندىك بەرەتىن جاڭا جارلىققا قول قويدى. وسىلايشا ماسكەۋ مەن باتىس اراسىنداعى بۇل قاراما-قايشىلىق سول كۇيىندە شەشىمسىز قالدى.
پۋتين قول قويعان جارلىق بۇگىننەن باستاپ كۇشىنە يە. ەرەجە بويىنشا گاز تولەمدەرىن جاساۋ ءۇشىن گازپرومبانكتە ەسەپ-شوت اشۋعا تۋرا كەلەدى. كرەمل تارابى: «شوت اشىلماسا، رەسەي گازىنا تولەم رۋبل ارقىلى جاسالمايتىن بولسا گاز بويىنشا بارلىق كەلىسىمدەر توقتاتىلادى»، – دەگەن.
«رۋبلمەن تولەمەسە تابيعي گاز دا جوق»، – دەگەن باستاپقى مالىمدەمەسىندە پۋتين. ول جارلىققا قول قويعاننان كەيىن بۇل قادامنىڭ ۇلتتىق ۆاليۋتالارىنا ۇلكەن دەمەۋشىلىك جاسايتىنىن اتاپ وتكەن.
دەگەنمەن، ەۋروپا وداعىنىڭ فرانتسيا مەن گەرمانيا سەكىلدى ءىرى ەلدەرى رەسەي گازى ءۇشىن رۋبلمەن تولەم جاساۋ تۋرالى تالاپقا كەلىسپەيتىندەرىن ءبىلدىردى. المان مەن فرانتسۋزدىڭ ەكونوميكا مينيسترلەرى روبەرت حابەك پەن برۋنو لە ماير بەرليندەگى كەزدەسۋدە وسىنداي ورتاق ۇستانىمعا كەلگەندەرىن ءبىلدىردى.
ەۋروپا ەلدەرى تۇتىناتىن تابيعي گازدىڭ جارتىسىنا جۋىعى رەسەيدەن جەتكىزىلەدى. ەگەر رەسەي گاز جەتكىزۋدى توقتاتىپ تاستايتىن بولسا ەۋروپا اۋىر ەنەرگيا داعدارىسىنا تاپ بولۋى مۇمكىن. بىراق، سوعان قاراماستان ەو ەلدەرى رەسەي گازى مەن مۇنايىنان باس تاتۋعا تىرىسىپ جاتىر
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى