فوتو: baq.kz

2017 جىلى 2 ميلليوننان استام زەينەتكەردىڭ زەينەتاقى كولەمى 20%-عا دەيىن ارتقان. ال ولاردىڭ زەينەتاقى تولەمدەرىنە باعىتتالعان قاراجاتتىڭ جالپى كولەمى 1,6 ترلن تەڭگە بولدى. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتىندا حابارلاندى. 

تاراعان اقپارات بويىنشا، ەندى 2018 جىلدىڭ 1 قاڭتارىنان باستاپ ىنتىماقتى زەينەتاقى  8%-عا، بازالىق زەينەتاقى 6% -عا ءوستى.

"2018 جىلدىڭ 1 شىلدەسىنەن باستاپ 1998 جىلعى 1 قاڭتارعا دەيىنگى ەڭبەك ءوتىلىن جانە 1998 جىلعى 1 قاڭتاردان كەيىنگى جيناقتاۋشى زەينەتاقى جۇيەسىنە قاتىسۋ مەرزىمىن ەسكەرە وتىرىپ، بازالىق زەينەتاقىنى تاعايىنداۋ ءادىسىن وزگەرتۋ جوسپارلانۋدا. مۇنداي وزگەرىس بازالىق زەينەتاقىنىڭ ءوسىمىن ورتا ەسەپپەن 1,8 ەسەگە دەيىن ۇلعايتۋعا مۇمكىندىك بەرەدى. وسىعان وراي، 2018 جىلى 1 شىلدەدەن باستاپ  زەينەتاقىنىڭ ورتاشا مولشەرى بازالىق زەينەتاقىنى ەسكەرگەندە شامامەن 82 مىڭ تەڭگەنى قۇرايتىن بولادى", - دەلىنگەن ءباسپاسوز حابارلاماسىندا.

سونداي-اق، بيىل ازاماتتاردى زەينەتاقىمەن قامسىزداندىرۋ ءۇشىن 1,9 ترلن تەڭگەدەن اسا قاراجات قاراستىرىلىپ وتىر.

Translated to Nazerke Syundyukova

“The Qazaq Times”