فوتو: Elise Journal

بەلارۋس ودەسسا قالاسىنداعى كونسۋلدىعىن جاۋىپ تاستادى.

بەلارۋس مينيسترلەر كەڭەسىنىڭ قاڭتار ايىنىڭ 4-ءى كۇنى شىعارعان شەشىمى بويىنشا، 2018 جىلدىڭ 23 اقپانىنا دەيىن ودەسسا قالاسىنداعى كونسۋلدىق ءوز قىزمەتىن توقتاتادى. كونسۋلدىق جۇمىسىن توقتاتۋعا بايلانىستى ءتيىستى قۇجاتتار بەلارۋس سىرتقى ىستەر مينيسترلىگىنە جىبەرىلگەن. بىراق قۇزىرلى ورگاندار ودەسسا قالاسىنداعى كونسۋلدىق نە ءۇشىن جابىلعاندىعى جونىندە ەشقانداي مالىمدەمە جاساماعان. بەيرەسمي اقپارات كوزدەرىنىڭ مالىمەتىنشە، ودەسسا قالاسىنداعى كونسۋلدىقتىڭ جابىلۋى رەسمي مينسك پەن كيەۆ اراسىنداعى تەكەتىرەسپەن بايلانىستى.

ەستەرىڭىزگە سالايىق، 2017 جىلدىڭ ەكىنشى جارتىسىندا كيەۆ پەن مينسك اراسىنداعى قارىم-قاتىناس بەلارۋس اۋماعىندا ۋكراينا ازاماتتارىنىڭ تۇتقىنعا الىنۋىنان كەيىن ۋشىققان. اتاپ ايتقاندا بەلارۋس اۋماعىندا ۋكراينالىق جۋرناليست پاۆەل شارويكونىڭ تۇتقىندالۋى كيەۆ پەن مينسك اراسىنداعى ساياسي تەكەتىرەسكە الىپ كەلگەن.

“The Qazaq Times”