رەسەيدىڭ سۇرياداعى اسكەري اۋە بازاسىنا شابۋىل جاسالدى – دەپ حابارلايدى كوممەرسانت گازەتى.

باسىلىم مالىمەتىنشە، جەلتوقسان ايىنىڭ 31-ءى كۇنى ايماقتاعى لاڭكەستىك توپتاردىڭ ءبىرى رەسەيلىك اسكەريلەرگە تيەسىلى حمەيمي اۋە بازاسىن مينومەتپەن اتقىلاعان. سالدارىنان 4 سۋ-24 بومبىلاۋشى ۇشاعى، 2 سۋ-35س جويعىش ۇشاعى، ان-72 جۇك تاسمالداۋشى ۇشاعى مەن قارۋ-جاراق قويماسى ورتكە ورانعان.

بۇدان بولەك بەيرەسمي مالىمەتتەر بويىنشا، مينومەتپەن اتقىلاۋ كەزىندە بازا اۋماعىندا بولعان 10-عا جۋىق رەسەيلىك سارباز وققا ۇشقان. بىراق رەسەي قورعانىس مينيسترلىگى بۇل اقپاراتتى راستاماعان.

ەستەرىڭىزگە سالايىق، جەلتوقسان ايىنىڭ 11-ءى كۇنى رف پرەزيدەنتى ۆلاديمير پۋتين رەسەي اسكەرىن ءسۇريا اۋماعىنان شىعارۋعا بايلانىستى بۇيىرىققا قول قويعان بولاتىن. بىراق كەيىننەن رف قورعانىس ءمينيسترى سەرگەي شويگۋ ءسۇريا اۋماعىنداعى حمەيمي اۋە بازاسىندا رەسەي اسكەري اۋە كۇشتەرىنىڭ ءبىر ءبولىمى قالاتىنىن مالىمدەگەن.

“The Qazaq Times”