«The Diplomat» گازەتى قازاقستان پارلامەنتى قابىلداعان باق تۋرالى زاڭعا ەنگەن وزگەرتۋلەر مەن تولىقتىرۋلاردى قاتاڭ سىنعا الدى.

باسىلىم سوزىنشە، جەلتوقسان ايىنىڭ 28-ءى كۇنى نۇرسۇلتان نازارباەۆ قول قويعان باق تۋرالى زاڭ قازاق جۋرناليستيكاسىنىڭ تىنىسىن تارىلتۋعا باعىتتالعان. قازاقستان پارلامەنتىنىڭ قوس پالاتاسى ءبىر اۋىزدان ماقۇلداعان زاڭ جوباسى ونسىزدا ءحال ۇستىندەگى ءسوز بوستاندىعى مەن جۋرناليستىك زەرتتەۋ سالاسىن ءبىرجولاتا قۇردىمعا جىبەرەدى. بۇل جۋرناليستەرگە ارنالعان باق تۋرالى زاڭ ەمەس اتقامىنەرلەردى قورعاۋعا ارنالعان زاڭ جوباسى.

«The Diplomat» مالىمەتىنشە، قازىرگى تاڭدا قازاقستان الەم بويىنشا 180 ەلدىڭ ىشىندە ءسوز بوستاندىعى جونىندەگى رەيتينگتە 157 ورىندا. ال جەلتوقساندا قابىلدانعان باق تۋرالى زاڭنان كەيىن بۇل كورسەتكىش ودان ارى تومەندەۋى مۇمكىن. باسىلىم ساراپشىلارى قازاقستاننىڭ وزگەرىسكە ۇشىراعان باق تۋرالى زاڭىنا: «رەسمي اقوردانىڭ باق تۋرالى زاڭعا وزگەرتۋلەر مەن تولىقتىرۋلار ەنگىزۋى وتكەن جىلدىڭ تامىز ايىندا قىتاي بيلىگى قابىلداعان زاڭنان ەشقانداي ايىرماشىلىعى جوق» - دەگەن باعا بەرگەن.

ەستەرىڭىزگە سالايىق، 2017 جىلدىڭ 28 جەلتوقسانىندا نۇرسۇلتان نازارباەۆ پارلامەنتتىڭ قوس پالاتاسى ءبىر اۋىزدان ماقۇلداعان باق تۋرالى زاڭعا قول قويعان. بىراق اتالمىش زاڭ جوباسىنىڭ قابىلدانۋىنا ەلدەگى تاۋەلسىز جۋرناليستىك ۇيىمدار قارسىلىق بىلدىرگەن بولاتىن.

“The Qazaq Times”