فوتو: RT

يۋنيسەف حالىقارىلىق ۇيىمى الەمنىڭ ءار بۇرىشىندا قازا تاپقان جانە زارداپ شەككەن بالالار تۋرالى باياندامانى جاريالادى.

حالىقارالىق ۇيىمنىڭ مالىمەتىنشە، وتكەن 2017 جىلى بالالاردىڭ كوبى سوعىس ارەكەتتەرىنىڭ قۇربانى بولعان. 2017 جىلدىڭ تەك 9 ايىنىڭ وزىندە اۋعانستاندا 700 بالا ولتىرىلگەن.

باياندامادا ايتىلعانداي، يراك پەن ءسۇريادا بالالار شەيىت ەسەبىندە بولعان جانە ولارعا سولدات رەتىندە قاراعان. نيگەريا مەن كامەرۋن بولسا 135 بالانى ءوز-وزىنە قول جۇمساۋشى ەسەبىنە قوسقان جانە بۇل 2016 جىلعى كورسەتكىشتەن 5 ەسەگە جوعارى.

سونداي-اق، يۋنيسەف قۇلدىققا، زورلىققا، بالالاردىڭ ۇرلانۋىنا جول بەرگەن ەلدەردى بالالار قۇقىعىن بۇزۋدى توقتاتۋعا شىقىرىپ وتىر.

بۇدان بولەك بۇۇ بالالار قورى تاراتقان مالىمەتكە سەنسەك، الەمدە مىڭنان اسا ءسابي ءبىر كۇن ءومىر سۇرمەستەن شەتىنەيدى ەكەن. مالىمەت بويىنشا 2016 جىلى كۇن سايىن 2,5 مىڭ ءسابي دۇنيەگە كەلگەنىنە 24 ساعات وتپەي جاتىپ شەتىنەگەن. ال ءبىر جىلدا 2,5 ملن ءسابي ءبىر اي دا ءومىر سۇرمەگەن. ال وسى ءولىمنىڭ كەمىندە 80 پايىزىنىڭ الدىن الۋعا مۇمكىندىك بولعان.

تاراعان مالىمەتكە قاراعاندا بالالاردىڭ كوبى تۋما اۋرۋ سالدارىنان جانە سەپسيس پەن پنەۆمونيا سىندى اۋرۋلاردان كوز جۇمادى ەكەن. ال بۇل اۋرۋدىڭ بارلىعىمەن كۇرەسۋگە قازىرگى مەديتسينا قابىلەتتى.

دەگەنمەن بالالار قورى ءار ءسابيدى امان الىپ قالۋعا بار كۇشىن جۇمساۋعا دايىن ەكەندەرىن ايتادى. وسىلايشا يۋنيسەف اقپان ايىنان باستاپ سابيلەر مەن انالاردى قولجەتىمدى ءارى ساپالى مەديتسيناىق كومەكپەن قامتاماسىز ەتۋ تالابى بويىنشا ناۋقان باستاماق.

“The Qazaq Times”