وزبەكستاندا يسلام كارىموۆتىڭ وتباسىنا قاتىستى تىڭ دەرەكتەر جاريالاندى

وزبەكستاندا يسلام كارىموۆتىڭ وتباسىنا قاتىستى تىڭ دەرەكتەر جاريالاندى.

يسلام كارىموۆتىڭ وتباسىنا قاتىستى تىڭ دەرەكتەردى كارىموۆ اتىنداعى قور جاريالاعان. ولار وزدەرىنىڭ Facebook پاراقشاسىنا يسلام كارىموۆ وتباسىنىڭ 1928 جىلى تۇسىرىلگەن سۋرەتىن جاريالاعان. سۋرەتتە يسلام كارىموۆتىڭ 1894 جىلى دۇنيەگە كەلگەن اكەسى ابدۋعاني-بوبو مەن 1902 جىلعى اناسى سانوبارايا جانە ولاردىڭ ءۇش بالاسى مەحرينيسو، امونۋللو، يبودۋللو بەينەلەنگەن.

نەگىزىنەن يسلام كارىموۆتىڭ وتباسىندا سەگىز بالا بولعان. مەحرينيسو اتتى ءبىر قىز جانە امونۋللو، يبودۋللو، ارسلان، كۋددۋس، يكروم، يسلام، حۋرشيد ەسىمدى جەتى ۇل.

بۇعان دەيىن يسلام كارىموۆ قايتىس بولعاننان كەيىن حالىق اراسىندا ونىڭ جەتىمدەر ۇيىندە وسكەندىگى جايىندا اقپارات تاراعان بولاتىن. ال وسىدان ءبىر جىل بۇرىن وزبەكستاننىڭ تۇڭعىش پرەزيدەنتى رەسمي سايتى كارىموۆتىڭ ەكى بالاسى ەمەس ءۇش بالاسى بار ەكەندىگى جايىندا ماتەريال جاريالاعان. وسىدان كەيىن ونىڭ قىزدارى گۇلنارا مەن لولادان بولەك پەتر ەسىمدى ۇلى بار ەكەندىگى بەلگىلى بولعان. پەتر كارىموۆ قازىرگى تاڭدا رەسەيدىڭ ماسكەۋ وبلىسىندا تۇرادى.

“The Qazaq Times”