كەتتاداعى تەررورلىق شابۋىل جاسالعان شىركەۋ. فوتو: Geo.tv.

جەكسەنبى كۇنى، پاكىستاننىڭ بەلۋدجيستان پروۆينتسياسىنىڭ ورتالىق قالاسىنداعى شىركەۋگە تەررورلىق شابۋىل جاسالىپ، 8 ادام قازا تاپتى. جاراقات العان ادامداردىڭ سانى 44-كە جەتتى. بۇل تۋرالى «People» باسىلىمىنىڭ رەسمي سايتى حابارلادى.

جەرگىلىكتى ىشكى ىستەر دەپارتامەنتىنىڭ جاساعان مالىمدەمەسىندە، تەررورلىق توپ عيبادات ەتۋگە جينالعان جۇرتقا باسىپ كىرىپ، وق جاۋدىرعان جانە ءبىر جانكەشتى دەنەسىنە بايلاعان بومبانى شىركەۋ ىشىندە جارىپ جىبەرگەن. لاڭكەستەردىڭ بىرەۋى قاۋىپسىزدىك قىزمەتكەرلەرى جاعىنان وققا ۇشقان.

قازىرگە دەيىن بەلۋدجيستان  ورتالىق قالاسى كەتتاداعى جانكەشتىلەردىڭ شابۋىلىن قانداي دا ءبىر تەررورلىق توپ ءوز موينىنا المادى. بەلۋدجيستان پوليتسياسى تەررورلىق شابۋىل ءىسىن تەكسەرۋدە.

“The Qazaq Times”