Кеттадағы террорлық шабуыл жасалған шіркеу. Фото: Geo.tv.

Жексенбі күні, Пәкістанның Белуджистан провинциясының орталық қаласындағы шіркеуге террорлық шабуыл жасалып, 8 адам қаза тапты. Жарақат алған адамдардың саны 44-ке жетті. Бұл туралы «People» басылымының ресми сайты хабарлады.

Жергілікті Ішкі істер департаментінің жасаған мәлімдемесінде, террорлық топ ғибадат етуге жиналған жұртқа басып кіріп, оқ жаудырған және бір жанкешті денесіне байлаған бомбаны шіркеу ішінде жарып жіберген. Лаңкестердің біреуі қауіпсіздік қызметкерлері жағынан оққа ұшқан.

Қазірге дейін Белуджистан  орталық қаласы Кеттадағы жанкештілердің шабуылын қандай да бір террорлық топ өз мойнына алмады. Белуджистан полициясы террорлық шабуыл ісін тексеруде.

“The Qazaq Times”