فوتو: كازينفورم

الماتى قالاسىنىڭ 2018 جىلعى بيۋدجەتى 431,2 ملرد تەڭگە كولەمىندە بەكىتىلدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

كەلەر جىلى «ءنومىرى ءبىرىنشى باعىت» رەتىندە كوگالداندىرۋعا، جاسىلداندىرۋعا، ەكولوگيالىق جاعدايدى جاقسارتۋعا ەرەكشە ءمان بەرىلەدى، ياعني قالانى دامىتۋعا بيۋدجەتتىڭ ۇشتەن ءبىرى جۇمسالادى.

الماتىدا 2018 جىلى 500 اۋلانى جوندەۋ قاراستىرىلعان. وسىلايشا، اباتتاندىرىلعان اۋلالار سانى 33%-عا جەتەدى. ايتا كەتەرلىگى، الماتىدا سوڭعى ەكى جىل ىشىندە 732 اۋلا الاڭدارى جوندەلدى، قايتا جاسالدى، ياعني ءاربىر بەسىنشى اۋلا.

قوعامدىق كولىك پەن كولىك ينفراقۇىرىلىمىن دامىتۋ دا جالعاسادى. بۇل ەكى باعىتقا باسىمدىق بەرىلەدى، بارلىق شىعىننىڭ بەستەن ءبىر بولىگى جۇمسالادى. بيىلعى جىلى قالانىڭ اۆتوبۋس پاركى 30%-عا جاڭاردى، 180 كم-دان استام جول جوندەلدى.

كەلەر جىلى جوعارى ساپالى قىزمەت كورسەتەتىن جاڭا اۆتوبۋستارعا سۋبسيديا بولىنەدى. 600 مىڭنان استام قالالىقتاردى جەڭىلدەتىلگەن كەستە بويىنشا تاسىمالداۋ جالعاسادى. مەترونىڭ «دوستىق»،«سارىارقا» بەكەتتەرىنىڭ قۇرىلىسى ودان ءارى جالعاسادى، ولار ىسكە قوسىلعاندا جولاۋشى لەگى 1,5 ەسەگە ارتىپ، جىلىنا 18 ملن جولاۋشى تاسىمالدانادى.

2018 جىلى الەۋمەتتىك سالاعا بارلىق شىعىنداردىڭ تەڭ جارتىسى جۇمسالادى. الەۋمەتتىك قورعاۋعا 8,8 ملرد تەڭگە ءبولىندى، ونىڭ ىشىندە 20 مىڭنان استام ادامعا الەۋمەتتىك تولەمدەر مەن جاردەماقى بەرىلەدى، 9 مەكەمە مەن مۇگەدەكتەرگە قارجىلاي كومەك كورسەتىلەدى.

“The Qazaq Times”