تاتارستان پرەزيدەنتى رۇستەم ميننيحانوۆ.

تاتارستان پرەزيدەنتى رۇستەم ميننيحانوۆ نە سەبەپتى تاتار ءتىلىن وقۋ كەرەكتىگىن ءتۇسىندىردى.

تاتارستان باسشىسى رۇستەم ميننيحانوۆ مەدياكلۋب وتىرىسىندا تاتار ءتىلىنىڭ قازىرگى جاعدايى جايىندا ءسوز سويلەگەن. ول وندا: «ءتىل ۇيرەنگىسى كەلەتىن ادام وزىنە ىڭعايلى مەتوديكانى تاڭداۋى ءتيىس. ءبىرىنشى اۋىزەكى ءتىلدى ۇيرەنۋى قاجەت. ادەبي ءتىلدى ۇيرەنۋ ۇلكەن ەڭبەكتى تالاپ ەتەدى. ونى ۇيرەنۋ اسا ءبىر ماڭىزدى دۇنيە دەپ ويلامايمىن. ەڭ باستىسى ءبىز ءبىر-ءبىرىمىزدى تۇسىنسەك بولدى. مەن قازاقستانعا نەمەسە وزبەكستانعا بارعاندا تاتار تىلىندە سويلەسەم مەنى قازاقتار مەن وزبەكتەر جاقسى تۇسىنەدى. تاتار ءتىلىن ۇيرەنۋگە تاتارلاردىڭ وزدەرى بەلسەندىلىك تانىتۋى ءتيىس» - دەگەن.

قازىرگى تاڭدا تاتارستاندا تاتار ءتىلىنىڭ ماسەلەسى وتە وزەكتى. سەبەبى تاتارستان جاستارىنىڭ باسىم كوپشىلىگى ءوزىنىڭ انا تىلىندە ەمەس ورىس تىلىندە سويلەيدى. ەل زيالىلارى بۇل بولاشاقتا تاتار ءتىلىنىڭ جويىلىپ كەتۋىنە الىپ كەلۋى مۇمكىن دەپ الاڭدايدى. تاتارستان حالقى قازاقستاننىڭ لاتىن الىپبيىنە كوشۋىن دە قىزۋ تالقىلاعان. ولاردىڭ ويىنشا، ەگەر دە قازاق حالقى لاتىن الىپبيىنە كوشەتىن بولسا، وندا ەكى ەل اراسىنداعى مادەني جانە رۋحاني بايلانىس ءۇزىلىپ قالۋى مۇمكىن.

“The Qazaq Times”