«وزبەكستان – قىرعىزستان – قىتاي» باعىتىنداعى تەمىر جول تورابىن سالۋعا بايلانىستى ۇكىمەتارالىق كەلىسىمگە 2018 جىلدىڭ جازىندا قول قويىلادى – دەپ حابارلايدى Sputnik وزبەكستان اقپارات اگەنتتىگى.

بۇگىن وزبەكستان پرەزيدەنتى شاۆكات ميرزيەەۆ «وزبەكستان – قىرعىزستان – قىتاي» باعىتىنداعى تەمىر جول قۇرىلىسىنا بايلانىسىتى بۇيىرىققا قول قويدى. وندا 2018 جىلدىڭ ءبىرىنشى توقسانىندا تاشكەنت قالاسىندا اتالمىش جوباعا بايلانىستى ءۇش جاقتى ءماجىلىس وتىرىسىن وتكىزۋ مەن ۇستىمىزدەگى جىلدىڭ جاز ايىندا ۇكىمەتارالىق كەلىسىمدى دايىنداۋ جانە قابىلداۋ جوسپارى كورسەتىلگەن. بۇدان بولەك شاۆكات ميرزيەەۆ اتالمىش بۇيرىعىندا وزبەكستاننىڭ يفراقۇرىلىمىن جەتىلدىرۋ جانە 2018-2022 جىلدار ارالىعىندا سىرتقى ساۋداداعى جۇك تاسىمالىن ءارتاراپتاندىرۋ باعدارلاماسىن بەكتىكەن.

بۇعان دەيىن شاۆكات ميرزيەەۆ استانادا وتكەن شانحاي ىنتىماقتاستىق ۇيىمىنىڭ سامميتىندە:«وزبەكستان – قىرعىزستان – قىتاي» باعىتىنداعى تەمىر جول تورابىنىڭ سالىنۋى قىسقا ۋاقىت ارالىعىندا ۇيىمعا مۇشە ەلدەرگە الەمدىك نارىققا شىعۋعا مۇمكىندىك بەرەدى» دەپ مالىمدەگەن.

“The Qazaq Times”