فرانتسيادا كراۋدفاندينگ تاريحي قامالدى ساقتاپ قالدى

فرانتسيانىڭ باتىس بولىگىندە ورنالاسقان Mothe-Chandeniers قامالى ينتەرنەت قولدانۋشىلاردىڭ قارجىسىنىڭ كومەگىمەن ساقتالىپ قالدى. سۋدىڭ ورتاسىندا ورنالاسقان تاريحي ەسكەرتكىش كۇتىمسىز قالىپ، كۇيرەۋدىڭ از الدىندا تۇرعان بولاتىن. كراۋدفاندينگ جۇيەسى بويىنشا حالىقتىڭ قارجىسى ەسەبىنەن ەندى مادەني مۇرا جاڭارتىلاتىن بولادى. بۇل تۋرالى ۆۆس اقپاراتتىق اگەنتتىگى ارنايى رەپورتاج جاسادى. 

Mothe-Chandeniers - 13-عاسىردا سالىنعان تاريحي ەسكەرتكىش. ول ءوز داۋىرىندە پاتشاعا جاقىن داۋلەتتى بوسسە اۋلەتىنە تيەسىلى بولعان. ورتا عاسىردا ەكى رەت اعىلشىنداردىڭ قول استىنا ءوتىپ، فرانتسيانىڭ يەلىگىنە قايتارىلعان عيمارات. ەرەكشە ارحيتەكتۋراسى مەن كوپتەگەن بەلگىلى وقيعالارعا كۋا بولعان سان عاسىرلىق تاريحي ماڭىزى ءۇشىن فرانتسۋز حالقى عيماراتتى ساتىپ الىپ، رەستاۆراتسيادان وتكىزەتىن بولدى.

كراۋدفاندينگ جوباسىن باستاعان ۇيىمداستىرۋشىلاردىڭ ورتاق ەسەپشوتىنا عالامتور ارقىلى مادەني مۇراعا جاناشىرلىق تانىتقان ازاماتتار ارقايسىسى كەمىندە 51 ەۋرودان اۋدارىپ، 500 مىڭ ەۋرو قارجى جيناعان. ەندى بۇل قامال اقشا اۋدارعان ۇلەسكەرلەردىڭ بارلىعىنا تيەسىلى.

“The Qazaq Times”