پاكىستاننىڭ پەشاۆار قالاسىنداعى اۋىلشارۋاشىلىق ينستيتۋتىندا قۇرالدىلار شابۋىل جاساپ، كەمىندە 9 ادام قازا بولىپ، 36 بەيبىت تۇرعىن جاراقات الدى. بۇل تۋرالى BBC-ءدىڭ رەسمي سايتى حابارلادى.

حابارعا قاراعاندا، پاكىستانداعى تاليبان ۇيىمى حابارلاما جاريالاپ بۇل تەررورلىق شابۋىلدى ءوز مويىندارىنا العان. لاڭكەستەر وقۋ ورىنىنا ايەلدەردىڭ نيكابقا ۇقساس بۋركا كيىمىن كيىپ، جوو-داعى ادامدارعا وق جاۋدىرعان. پاكىستان قارۋلى كۇشتەرىنىڭ بەرگەن مالىمەتىنە قارعاندا تەررورشىلار تۇگەلدەي ولتىرىلگەن.

بۇگىن پاكىستاندا مۇحاممەد پايعامباردىڭ تۋعان كۇنى دەپ بەلگىلەپ، مەرەكەلىك دەمالىس جاريالانعان. سوعان وراي وقۋ ورنى دا جابىق بولىپ، باسقا كۇندەرگە قاراعاندا ادام از بولعان. وق جاۋدىرۋ باستالعان كەزدە سەگىز ادام عيماراتتان قاشىپ شىعۋعا ۇلگەرمەگەن. جەرگىلىكتى مەديانىڭ حابارىندا كەيىننەن جارالىلاردىڭ بىرەۋى قازا بولعان.

ەستەرىڭىزدە بولسا، وسىدان 3 جىل بۇرىن پەشاۆار قالاسىندا مەكتەپكە شابۋىل جاسالىپ، 130 جاس ءوسپىرىم لاڭكەستىك توپ جاعىنان ولتىرىلگەن بولاتىن. ودان كەيىن تەررورلىق شابۋىلدار توقتاپ قالعان ەدى. ايتا كەتەيىك، اتالعان شاھار اۋعانستان مەن پاكىستان شەكاراسىنا جاقىن ورنالاسقان.

“The Qazaq Times”