اقش قاماۋداعى «تاليبان» قوزعالىسىنىڭ بۇرىنعى قولباسشىسىنا امەريكالىق اسكەرلەردىڭ ولىمىنە قاتىستى بار لاڭكەستىك قىلمىس وتكىزدى دەپ ايىپتادى. فەدەرالدى پروكۋراتۋرا تارابىنان تاعىلعان ايىپتا قاجى ناجيبۋللانى 2008 جىلعى 13 تەررورلىق اكتىگە قاتىسى بار دەلىنگەن. تالىپتەردىڭ قولباسشىسى بىلتىر عانا ۋكراينادا قولعا ءتۇسىپ، اقش-قا ەكستراديتسيالانعان بولاتىن.
45 جاستاعى ناجيبۋللا بىلتىر قازان ايىندا تۇتقىندالعانعا دەيىن امەريكالىق ءبىر ءجۋرناليستى جانە اۋعانستاندىق ەكى بەيبىت تۇرعىندى بارىمتالاپ، 7 اي بويى قاماۋدا ۇستادى دەپ ايىپتالعان ەدى. ال، اقش فەدەرالدى پروكۋراتۋراسى تاققان جاڭا ايىپتا ناجيبۋللا 2008 جىلى ماۋسىمدا اقش اسكەرلەرىنىڭ كولىگىنە جاسالعنا شابۋىلعا جاۋاپتى دەلىنگەن. ايىپتاۋ اكتىسىندە قولدان جاسالعان جارىلعىش جانە اۆتومات قارۋلارىن پايدالانىپ جاسالعان شابۋىلدا 3 امەريكالىق سارباز بەن ولاردىڭ اۋدارماشىلارى قازا تاپقانى كورسەتىلگەن.
«بولجام بويىنشا، ناجيبۋللا تاليبان كوتەرىلىسشىلەرىنىڭ ەڭ زۇلىم توبىنا باسشىلىق ەتىپ، اۋعانستانداعى قاقتىعىستىڭ ەڭ اۋىر كەزەڭىندە ەلدىڭ كوپتەگەن ايماقتارىندا تەررورلىق شابۋىلداردى ۇيىمداستىردى جانە اقش اسكەرلەرىن شابۋىل نىساناسى ەتتى»، – دەگەن نيۋ-يورك وڭتۇستىك وكرۋگىنىڭ فەدەرالدى پروكۋرورى وۋدري ستروۋسس.
مالىمەتتەردە، جەكە قاۋىپسىزدىگى ماقساتىندا ۇرلانعان امەريكالىق جۋرناليستىك اتى ءجونى كورسەتىلمەگەن.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى