كابۋلداعى جارىلىستا قۇربان بولعاندار سانى 100-دەن استى. 140-تان استام ادام جاراقات العان. راديكال يسلامشىل توپ جارىلىستى جاساعاندارىن مويىندادى.
ءبىر كۇن بۇرىن عانا كابۋلداعى حالىقارالىق اۋەجايدا تەررورلىق شابۋىل بولۋى ىقتيمال دەگەن مالىمەتتى اقش پەن ونىڭ وداقتاس ەلدەرى تاراتىپ، ءوز ازاماتتارىن اۋەجايدان الىس بولۋعا شاقىرعان ەدى.
بۇل اقپاراتتىڭ قىزۋى باسىلماي تۇرىپ قاتارىنان ەكى رەت جارىلىس بولدى. العاشقىسى اۋەجايعا كىرەبەرىستەگى بوسقىندار ءجيى توپتالعان جەردە بولعان. جەرگىلىكتى اقپارات كوزدەرىنىڭ BBC-گە بەرگەن مالىمەتىنە قاراعاندا ادامدار كوپ جينالعان قاقپاداعى جارىلىستى ۇستىنە جارىلعىش بايلاعان جانكەشتى جاساعان. جارىلىستان كەيىن ونىڭ قارۋلى سەرىگى ادامدارعا وق جاۋدىرعان.
ال، ەكىنشىسى امەريكالىق اسكەرلەر ازاماتتاردى اۋەجايعا جەتكىزىپ جاتقان «بارون» وتەلىنىڭ جانىندا بولعان. پەنتاگون كابۋلداعى اقش قارۋلى كۇشتەرىنىڭ قاتارىندا 13 ادامنىڭ قازا تاپقانىن مالىمدەدى.
جارىلىستى «يسلام مەملەكەتى» تەررورلىق توبى ءوز موينىنا الدى.
اقش پەن ناتو وداقتاستارى تەررورلىق شابۋىلدىڭ قاتەرىنە قاراماستان ەۆاكۋاتسيانى جالعاستىراتىنىن حابارلادى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى