كاتوليكتەردىڭ رۋحاني كوسەمى، ريم پاپاسى فرانتسيسك ەرتەڭ يراكقا ساپارلاماق. پاپا فرانتسيسك وسىلايشا يراكقا ساپارلاي بارعان تاريحتاعى تۇڭعىش ۆاتيكان باسشىسى بولىپ قالماق.

ۆاتيكاننىڭ مالىمدەمەسىنە قاراعاندا ريم پاراسىنىڭ يراك ساپارى 5 ناۋرىزدان 8 ناۋرىزعا دەيىن جالعاسادى. ءدىني ورتالىقتىڭ ءباسپاسوز وكىلى ماتتەو ءبرۋنيدىڭ ايتۋىنشا ريم پاپاسى حالقىنىڭ باسىم كوبى شيىتتەر بولعان ەلگە العاش رەت ساپارلاعالى وتىر. بۇل ونىڭ پاپا رەتىندەگى 33-ءشى رەت شەتەلگە ساپارلاۋى.

ريم پاپاسىنىڭ يراك ساپارى ورتالىق قالا باعداتپەن شەكتەلمەيدى. ەل ورتالىعىندا رەسمي كەزدەسۋلەردەن كەيىن پاپا فرانتسيسك يراكتىڭ بىرنەشە ءىرى قالالارىنا ساپارلايدى. ءتىپتى، ءبىر كەزدەرى وزدەرىن «يسلام مەملەكەتى» دەپ اتاعان ەكسترەميستىك توپ جاعىنان باسىپ الىنىپ، حاليفات جاريالانعان موسۋل قالاسىنا دا ساپارلاماق.

ريم پاپاسىنىڭ ماقساتى يراك پەن حريستيان ەلدەرى اراسىنداعى تاتۋلىقتى كۇشەيتۋ ەكەنى ايتىلعان.

“The Qazaq Times”