فوتو: Sputnik كىرگىزستان

قىرعىزستان پرەزيدەنتى سوورونباي جەەنبەكوۆ ۇجىمدىق قاۋىپسىزدىك كەلىسىمى (ودكب) ءسامميتى اياسىندا نۇرسۇلتان نازارباەۆپەن كەزدەسپەيدى – دەپ حابارلايدى Sputnik قىرعىزستان اقپارات اگەنتتىگى.

قىرعىزستان پرەزيدەنت اكىمشىلىگىنىڭ سىرتقى ساياسات ءبولىمىنىڭ باسشىسى ايزادا سۋباقوجاەۆا جۋرناليستەر الدىندا سويلەگەن سوزىندە: «30 قاراشا كۇنى بەلارۋس استاناسى مينسك قالاسىندا ۇجىمدىق قاۋىپسىزدىك كەلىسىمى ۇيىمىنىڭ 15 جىلدىعىنا وراي باس قوسۋ بولادى. وندا ۇيىمعا مۇشە ەلدەردىڭ باسشىلارى وسىعان دەيىن ىستەلگەن جۇمىستارعا قورىتىندى جاسايدى. كەزدەسۋ بارىسىندا كەڭ كولەمدى باس قوسۋلاردان بولەك، شاعىن باس قوسۋلار دا بولادى» - دەگەن.

جۋرناليستەردىڭ «اتالمىش باس قوسۋدا سوورونباي جەەنبەكوۆ نۇرسۇلتان نازارباەۆپەن كەزدەسەدى مە؟» دەگەن سۇراعانا ايزادا ساۋباقوجاەۆا: «ۇجىمدىق قاۋىپسىزدىك كەلىسىمى ءسامميتى اياسىندا ەكى جاقتىق كەزدەسۋلەر وتكىزۋگە ۋاقىت قاراستىرماعان» - دەپ جاۋاپ بەرگەن.

ەستەرىڭىزگە سالايىق، بۇگىن قىرعىزستان باسشىسى سوورونباي جەەنبەكوۆ ماسكەۋ قالاسىندا رەسەي پرەزيدەنتى ۆلاديمير پۋتينمەن كەزدەسەدى. بۇل ونىڭ قىرعىز ەلىنىڭ باسشىسى رەتىندە العاشقى رەسمي ءىس-ساپارى.

“The Qazaq Times”