الماتى وبلىسىندا قۇرىلعان كووپەراتيۆتەر ءوز جەمىسىن بەرە باستادى. بىرىگىپ جۇمىس ىستەۋدىڭ تيىمدىلىگىن تۇسىنگەن اۋىل تۇرعىندارى ەت كومبيناتىنا بورداقىلانعان مالىنىڭ العاشقى لەگىن وتكىزىپ جاتىر. جالپى وڭىردە اۋىل شارۋاشىلىعىن قارجىلاي قولداۋ قورى ارقىلى 11 وندىرىستىك كووپەراتيۆ قۇرىلدى. ناتيجەسىندە 300-گە جۋىق قوسالقى شارۋاشىلىق بىرىكتى.
كووپەراتيۆ توراعاسى باياسىل اقباسوۆتىڭ ايتۋىنشا : "ەت باعاسى الماتىعا 1200-1250 تەڭگەمەن جىبەرىلەدى. ەت كومبيناتىندا ارنايى مال دارىگەرلىك زەرتحانا دا بار. سويار الدىن ءبىر، سويعان سوڭ تاعى ءبىر تەكسەرەدى. مال دارىگەرى ارنايى ءمورىن باسىپ، ەتتىڭ جارامدىعىن راستايدى. قابىلدانعان ەتتىڭ ءبىر بولىگى ساۋداعا شىعارىلسا، ءبىر بولىگى شۇجىققا جونەلتىلەدى. كومبينات قازىر 10-عا جۋىق شۇجىق ءتۇرىن وندىرە باستادى. اۋىل شارۋاشىلىعىن قارجىلاي قولداۋ قورى بىلتىر تەك الماتى وبلىسىندا 2,4 ملرد تەڭگە ءبولىنىپ، 16 مىڭ باس مال ساتىپ الىندى. 700 بورداقىلاۋ الاڭى اشىلدى. قارجى ينستيتۋتى قوسالقى شارۋاشىلىقتاردى ىرىلەندىرۋ جۇمىسىن بيىل دا جالعاستىرماق".
الماتى وبلىسىندا ناتيجەلى جۇمىسپەن قامتۋ، كاسىپكەرلىكتى جۇمىسپەن قامتۋ باعدارلاماسى بويىنشا 3 ملرد 200 ملن تەڭگە قاراستىرعان جانە قور ءوز قارجىسى ەسەبىنەن الماتى وبلىسىنا 1 ملرد تەڭگە اقشا قاراستىرىپ وتىر. ياعني جىل سوڭىنا دەيىن 20-30 كووپەراتيۆ قۇرۋعا مۇمكىندىك بار.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى