فوتو: TIME

اقش پرەزيدەنتى دونالد ترامپ Time جۋرنالىنىڭ ءداستۇرلى "جىل ادامى" اتاعىن الۋى مۇمكىن ەكەنى تۋرالى ءوزىنىڭ تۆيتتەر پاراقشاسىندا مالىمدەمە جاسادى. دەگەنمەن جۋرنال باسشىلىعى بۇل ويدان حابارسىز بولعانعا ۇقسايدى. پرەزيدەنت پەن باق وكىلدەرى اراسىنداعى الەۋمەتتىك جەلىدە بولعان ءسوز قاقتىعىسى تۋرالى كەڭىنەن ۆۆس اقپاراتتىق اگەنتتىگى جازدى. 

دونالد ترامپ ءوزىنىڭ تۆيتتەر پاراقشاسىندا Time جۋرنالى پرەزيدەنتكە وتكەن جىلداعى سياقتى بيىل دا "جىل ادامى" اتاعىن الۋى مۇمكىن ەكەنىن ايتقانى تۋرالى جازدى. ءوز كەزەگىندە جۋرنالى باسشىلىعى امەريكا كوشباسشىسى ولاردى دۇرىس تۇسىنبەگەن دەپ وتىر.

Time جۋرنالىنداعى "جىل ادامى" نوميناتسياسى ءداستۇرلى تۇردە 1927 جىلدان  بەرىلىپ كەلەدى. وعان ادەتتە ءبىر جىل بويى الەمدىك وقيعالارعا جاقسى نە جامان جاعىنان ەڭ ءوپ اسەر ەتكەن تۇلعا لايىق دەپ سانالادى. وتكەن جىلى دونالد ترامپ بۇل اتالىمنىڭ يەگەرى بولعان ەدى.

Time جۋرنالى ءوزىنىڭ تۆيتتەر پاراقشاسىندا "پرەزيدەنت جۋرنال اتالىمىنىڭ قالاي تاعايىندالاتىنىن بىلمەيتىن سياقتى. سوڭعى قورىتىندى 6 جەلتوقسان كۇنى جاريالانادى. وعان دەيىن ءبىزدىڭ بىردە ءبىر قىزمەتكەرىمىز ول تۋرالى مالىمدەمە جاسامايدى" دەپ جازدى. ەرەجە بويىنشا، جىل ادامىن تاڭداۋعا جۋرنالدىڭ بارلىق وقىرماندارى قاتىسا الادى. ولاردىڭ داۋىس بەرۋ پروتسەسى اياقتالعاننان سوڭ، سوڭعى شەشىمدى رەداكتورلار القاسى قابىلدايدى.

وسىدان بۇرىن دونالد ترامپ پەن Time جۋرنالىنىڭ اراسىندا اۆتورلىق قۇقىقتىڭ بۇزىلعانى جونىندە تالاس تۋىنداعان دەدى. The Washington Post باسىلىمى دونالد ترامپ وزىنە تيەسىلى گولف كلۋبتاردىڭ جارناماسىندا Time جۋرنالىنىڭ العاشقى بەتىنىڭ ۇلگىسىن ءوز سۋرەتىمەن بىرگە پايدالانعان دەگەن اقپارات تاراتقان بولاتىن.

“The Qazaq Times”