Foto: TIME

AQŞ Prezidenti Donal'd Tramp Time jurnalınıñ dästürli "Jıl adamı" atağın aluı mümkin ekeni turalı öziniñ tvitter paraqşasında mälimdeme jasadı. Degenmen jurnal basşılığı bwl oydan habarsız bolğanğa wqsaydı. Prezident pen BAQ ökilderi arasındağı äleumettik jelide bolğan söz qaqtığısı turalı keñinen VVS aqparattıq agenttigi jazdı. 

Donal'd Tramp öziniñ tvitter paraqşasında Time jurnalı Prezidentke ötken jıldağı siyaqtı biıl da "Jıl adamı" atağın aluı mümkin ekenin aytqanı turalı jazdı. Öz kezeginde jurnalı basşılığı Amerika köşbasşısı olardı dwrıs tüsinbegen dep otır.

Time jurnalındağı "Jıl adamı" nominaciyası dästürli türde 1927 jıldan  berilip keledi. Oğan ädette bir jıl boyı älemdik oqiğalarğa jaqsı ne jaman jağınan eñ öp äser etken twlğa layıq dep sanaladı. Ötken jılı Donal'd Tramp bwl atalımnıñ iegeri bolğan edi.

Time jurnalı öziniñ tvitter paraqşasında "Prezident jurnal atalımınıñ qalay tağayındalatının bilmeytin siyaqtı. Soñğı qorıtındı 6 jeltoqsan küni jariyalanadı. Oğan deyin bizdiñ birde bir qızmetkerimiz ol turalı mälimdeme jasamaydı" dep jazdı. Ereje boyınşa, jıl adamın tañdauğa jurnaldıñ barlıq oqırmandarı qatısa aladı. Olardıñ dauıs beru procesi ayaqtalğannan soñ, soñğı şeşimdi redaktorlar alqası qabıldaydı.

Osıdan bwrın Donal'd Tramp pen Time jurnalınıñ arasında avtorlıq qwqıqtıñ bwzılğanı jöninde talas tuındağan dedi. The Washington Post basılımı Donal'd Tramp özine tiesili gol'f klubtardıñ jarnamasında Time jurnalınıñ alğaşqı betiniñ ülgisin öz suretimen birge paydalanğan degen aqparat taratqan bolatın.

“The Qazaq Times”