وڭتۇستىك قازاقستان وبلىسى، ماقتارال اۋدانىندا گرەتسيالىق ينۆەستور ساعاتىنا 200 توننا اسفالت-بەتون وندىرەتىن زاۋىت سالماق. اۋدانداعى يندۋستريالدىق ايماقتا سالىناتىن زاۋىتتىڭ جوبالىق قۇنى 1 ملن اقش دوللارىن قۇرايدى.

قۇرىلىسى كەلەر جىلى باستالاتىن اسفالت-بەتون ءوندىرۋ جوباسىنىڭ ينۆەستورى گرەتسيالىق NIOVI S.A كومپانياسى قۇرىلتايشىسى بولىپ كەلەتىن «Soldatos» جشس.

«Soldatos» جشس-ءنىڭ ينۆەستورلارى ماقتاارال اۋدانىنداعى جوبادان بولەك، سارىاعاشتا ساعاتىنا 150 توننا، ال تۇركىستان قالاسىندا ساعاتىنا 200 توننا اسفالت-بەتون شىعاراتىن زاۋىت سالۋدى جوسپارلاپ وتىر.

ايتا كەتەيىك، اۋداندا سىرتقى ينۆەستيتسيادان بولەك، ىشكى ينۆەستيتسيانىڭ ەسەبىنەن وڭدەۋ زاۋىتى، گيگيەنالىق زاتتار مەن پوليەتيلەن شىعاراتىن ءوندىرىس زاۋىتتارىنىڭ جوبالارى دا جۇزەگە اسپاق. 38 گەكتار جەردى الىپ جاتقان اۋداننىڭ يندۋستريالدى ايماعىندا جۇمىس ىستەپ تۇرعان «بەرەكە» ماقتا زاۋىتىنان باسقا، مۇندا كەلەر جىلى 4 جوبا ىسكە اسىرىلادى دەپ جوسپارلانۋدا.

“The Qazaq Times”