20 قاراشا كۇنى قر پرەزيدەنتى نۇرسۇلتان نازارباەۆ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى قايرات قوجامجاروۆتى قابىلدادى، دەپ حابارلايدى اقوردانىڭ رەسمي سايتى.
كەزدەسۋدە قايرات قوجامجاروۆ پرەزيدەنتكە اگەنتتىكتىڭ بيىلعى 10 ايدا اتقارعان قىزمەتىنىڭ ناتيجەلەرى جونىندە باياندادى.
نۇرسۇلتان نازارباەۆ قوعامدا سىبايلاس جەمقورلىققا توزبەۋشىلىكتى قالىپتاستىرۋدىڭ ماڭىزدىلىعىن اتاپ ءوتتى.
"مەن سىبايلاس جەمقورلىققا قارسى ءىس-قيمىل تۋرالى زاڭدى قابىلداعان كەزدە كىمدە-كىم سىبايلاس جەمقورلىق قىلمىسىن جاساسا، ەشكىمگە دە جەڭىلدىك جاسالمايتىنىن جانە جازادان قۇتىلمايتىنىن ەسكەرتكەن بولاتىنمىن. سوڭعى جىلدارى بۇل باعىتتا كوپ جۇمىس اتقارىلدى", – دەدى قازاقستان پرەزيدەنتى.
پرەزيدەنت بيۋدجەت قارجىسىن ءتيىمدى ءارى اشىق پايدالانۋ قاجەتتىگىن ايتتى.
ق.قوجامجاروۆ مەملەكەت باسشىسىنا سىبايلاس جەمقورلىققا قارسى ساياساتتى جۇرگىزۋدە قابىلدانىپ جاتقان شارالار جونىندە مالىمدەپ، ونىڭ ىسكە اسىرىلۋىنا حالىقارالىق ساراپشىلار قاۋىمداستىعى تاراپىنان جوعارى باعا بەرىلگەنىنە نازار اۋداردى.
"بيىلعى 10 ايدا 3400 قىلمىستىق ءىس قوزعالىپ، ونىڭ ءبىر مىڭى سوتقا بەرىلدى. 15 ميلليارد تەڭگە كولەمىندە كەلتىرىلگەن شىعىننىڭ 11 ميللياردى مەملەكەتكە قايتارىلدى. قۇنى 7 ميلليارد تەڭگەدەن اساتىن مۇلىككە تىيىم سالىندى", – دەدى اگەنتتىك توراعاسى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى