اتامباەۆ ءبىر اپتادا قازاقستانمەن اراداعى التى كەلىسىمنىڭ كۇشىن جويدى

المازبەك اتامباەۆ ءبىر اپتادا قازاقستانمەن اراداعى التى كەلىسىمنىڭ كۇشىن جويدى.

قىرعىزستان پرەزيدەنتى المازبەك اتامباەۆ سوورونباي جەەنبەكوۆتىڭ يناۋگۋراتسياسىنا ءبىر اپتا قالعاندا قازاقستانمەن اراداعى التى كەلىسىمنىڭ كۇشىن جويدى. اتامباەۆ اكىمشىلىگى ءباسپاسوز قىزمەتى تاراتقان مالىمەت بويىنشا، ەل پرەزيدەنتى سوڭعى ءبىر اپتادا قازاقستانمەن ەاەو اياسىنداعى ارىپتەستىك، تەحنيكالىق كومەك كورسەتۋ، قازاقستان تاراپىنىڭ قارجىلاي كومەگى سىندى التى كەلىسىمنىڭ كۇشىن جويىپ، وسىعان بايلانىستى ءسىم رەسمي استاناعا ءتيىستى قۇجاتتار جىبەرۋدى تاپسىرعان.

ەستەرىڭىزگە سالايىق، استانا مەن بىشكەك تەكەتىرەسى نۇرسۇلتان نازارباەۆ قىرعىزستاندىق وپپوزيتسيالىق ساياساتكەر ومىربەك بابانوۆپەن كەزدەسكەننەن كەيىن باستالعان بولاتىن. المازبەك اتامباەۆ قازاقستان باسشىسىنىڭ بۇل ءىسىن ەلدىڭ ىشكى ساياساتىنا ارالاسۋ دەپ باعالاپ، رەسمي استاناعا قارسىلىق نوتاسىن جىبەرگەن. وسىدان كەيىن قىرعىزستان پرەزيدەنتى اپتا سايىن قازاق بيلىگىن سىناۋدى ادەتكە اينالدىرعان.

“The Qazaq Times”