قازاقستان ءسىم اتامباەۆ مالىمدەمەسىنە پىكىر ءبىلدىردى

قازاقستان رەسپۋليكاسىنىڭ سىرتقى ىستەر ءمينيسترى قايرات ابدراحمانوۆ قىرعىزستان پرەزيدەنتى المازبەك اتامباەۆتىڭ قازاق بيلىگىنە قاراتا ايتقان مالىمدەمەسىنە پىكىر ءبىلدىردى.

بۇگىن قايرات ابدراحمانوۆ سەنات وتىرىسىندا المازبەك اتامباەۆتىڭ مالىمدەمەسىنە بايلانىستى باق وكىلدەرىنىڭ سۇراقتارىنا جاۋاپ بەردى. ول وندا: «مەن قازاقستان رەسپۋبليكاسىنىڭ سىرتقى ىستەر ءمينيسترى رەتىندە، ديپلومات رەتىندە وزگە ەلدىڭ پرەزيدەنتىنىڭ ايتقان سوزدەرىنە باعا بەرۋگە قۇقىعىم بار دەپ ويلامايمىن. مەن تەك بەلگىلى ساياساتتانۋشىنىڭ سوزىنە قوسىلامىن. قىرعىزستان رەسپۋبليكاسىنىڭ كەتىپ بارا جاتقان پرەزيدەنتىنىڭ ءسوزى ساياساتكەرگە لايىقتى ءسوز ەمەس» -دەگەن.

بۇدان بولەك قايرات ابدارحمانوۆ قازاقستان ۇكىمەتى الداعى ۋاقىتتا قىرعىزستان تاراپىمەن كەلىسىلگەن جوسپار بويىنشا جەمىستى جۇمىس ىستەۋگە سەنىم بىلدىرەتىنىن ايتقان.

ەستەرىڭىزگە سالايىق، قىرعىزستان پرەزيدەنتى المازبەك اتامباەۆ ۇلتتىق كەڭەس وتىرىسىندا قازاقستان بيلىگىن كەزەكتى رەت سىنعا الىپ، قازاق-قىرعىز شەكاراسىنداعى داۋعا رەسمي استانانى كىنالاعان بولاتىن.

“The Qazaq Times”