پۋتين جەەنبەكوۆپەن بىرىگىپ جۇمىس ىستەۋگە دايىن ەكەندىگىن جەتكىزدى

رەسەي باسشىسى ۆلاديمير پۋتين قىرعىزستاننىڭ جاڭا پرەزيدەنتى سوورونباي جەەنبەكوۆپەن بىرىگىپ جۇمىس ىستەۋگە دايىن ەكەندىگىن جەتكىزدى – دەپ حابارلايدى قىرعىزستان پرەزيدەنت اكىمشىلىگى ءباسپاسوز قىزمەتى.

قىرعىز پرەزيدەنت اكىمشىلىگى تاراتقان مالىمەت بويىنشا، قاراشا ايىنىڭ 16-ى كۇنى رەسەي باسشىسى ۆلاديمير پۋتين قىرعىزستان پرەزيدەنتى سوورونباي جەەنبەكوۆتى تۋعان كۇنىمەن قۇتتىقتاعان. ول جەەنبەكوۆقا جىبەرگەن قۇتتىقتاۋ حاتىندا: «ءسىزدىڭ قىرعىزستان حالقى اراسىندا بەدەلىڭىز زور. بۇعان ايقىن دالەل پرەزيدەنت سايلاۋىندا جەڭىسكە جەتۋىڭىز. الداعى ۋاقىتتا ءبىز سىزبەن كەلىسسوزدەر جۇرگىزىپ، بىرىگىپ جۇمىس ىستەپ، ستراتەگيالىق ارىپتەستىگىمىزدى ودان ارى دامىتۋعا دايىنبىز» دەگەن.

ەستەرىڭىزگە سالايىق، بۇگىن قىرعىزستاننىڭ جاڭا پرەزيدەنتى سوورونباي جەەنبەكوۆ 59 جاسقا تولدى.  ول 1958 جىلى قاراشا ايىنىڭ 16-ى كۇنى وش وبلىسى قارا-قۇلجا اۋدانىندا دۇنيەگە كەلگەن.

“The Qazaq Times”