2018 جىلدىڭ كوكتەمىندە بەلورۋستا كريپتوۆاليۋتا بيرجاسى ىسكە قوسىلماق، ونىڭ ساۋدا-ساتتىعى بەلارۋس ءرۋبلى ارقىلى جۇزەگە اسىرىلادى، دەپ حابارلايدى "روسسيسكايا گازەتا".
باسىلىمنىڭ مالىمەتىنشە، بيرجا جۇمىسى exrate.by سايتىندا جۇرگىزىلە باستايدى. قازىرگى كەزدە مۇندا ساۋدا باستالعانعا دەيىن كەرى ساناق جۇيەسى عانا جۇمىس ىستەپ تۇر.
ازىرگە بيرجا جانە ونى قۇرعاندار تۋرالى ناقتى اقپارات جوق، ال forklog.com باسىلىمى بيرجا جونىندە "كەدەن وداعىنداعى قاراجاتتاردى زاڭدى تۇردە ەنگىزۋ جانە شىعارۋ مۇمكىندىگى بار ءبىرىنشى ورتالىقتاندىرىلعان كريپتوۆاليۋتا بيرجاسى" دەگەن مالىمەت كەلتىرەدى.
سونداي-اق، اتالعان پلاتفورمادا ستاندارتتى ايىرباستاۋ جانە ساۋدا وپەراتسيالارىنان بولەك بەلارۋس ءرۋبلىن دە ەنگىزۋ مۇمكىندىگى بولادى.
بۇعان دەيىن بەلارۋس ۇلتتىق بانكى تاۋارلار مەن قىزمەت كورسەتۋ بويىنشا كريپتوۆاليۋتامەن ەسەپ ايىرىسۋدى زاڭداستىرۋدى ءالى قاراستىرا قويمايتىندارىن مالىمدەگەن ەدى.
ايتا كەتەيىك، قازاقستاندا دا كريپتوۆاليۋتا ماسەلەسى سوڭعى ۋاقىتتا ءجيى ايتىلىپ ءجۇر. پرەزيدەنت نۇرسۇلتان نازارباەۆ ماۋسىم ايىندا استانا ەكونوميكالىق فورۋمىندا كريپتوۆاليۋتا تاقىرىبىن قوزعاعان ەدى. الايدا قر ۇلتتىق بانك باسشىسى دانيار اقىشەۆ بولسا "مەن كريپتوۆاليۋتانىڭ نە ەكەنىن ءالى تۇسىنە قويعان جوقپىن" دەپ قىسقا قايىرعان ەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى