پولشا مەن بەلارۋس شەكاراسىنداعى بوسقىندار داعدارىسى ايماقتاعى قاۋىپتى ۇلكەن قارسىلاسۋعا، گەوساياسي تەكە-تىرەسكە اينالىپ كەتە جازداپ شاق قالعان-دى. بوسقىنداردى ماقساتتى پايدالانعان دەگەن ايىپپەن ەۋروپا وداعى لۋكاشەنكو بيلىگىن قاتاڭ سىنعا العان ەدى. ناتيجەسىندە يراك باستاعان ەلدەر ەو-مەن كەلىسىپ، بوسقىن ازاماتتارىن كەرى قايتاردى. 

وتكەن اپتانىڭ سوڭىندا يراك سىرتقى ىستەر مينيسترلىگى ەلگە 417 ازاماتىن بەلارۋس جەرىنەن كەرى قايتارعانىن مالىمدەگەن. ءبىر كۇن بۇرىنعى مالىمدەمەسىندە يراك ءسىم ءباسپاسوز وكىلى احمەت ساححاف وسىعان دەيىن بەلارۋس جەرىنەن ەلگە قايتارىلعان يراك ازاماتتارىنىڭ سانى 3556-عا جەتكەنىن حابارلادى.

سوعىستان كەيىن تۇرالاعان ەكونوميكا مەن ناشار الەۋمەتتىك جاعدايعا بايلانىستى يراكتان جىلىنا مىڭداعان ادام دامىعان باتىس ەلدەرىنە قونىس اۋدارۋعا تىرىسادى. جاز جانە كۇز ايلارىندا بەلارۋس بيلىگى تۋريستىك كومپانيالار مەن ءوزىنىڭ ورتا شىعىس ەلدەرىندەگى ەلشىلىك، كونسۋلدىقتارى ارقىلى بوسقىنداردى ەلىنە جەتكىزگەن دەگەن ايىپتى ارقالاپ وتىر.

The Qazaq Times