فوتو: Depositphotos.com

گيپەرتونيانىڭ جۇرەك اۋرۋلارىن، ينفاركت، ينسۋلت، قانت ديابەتى مەن باسقا دا اۋرۋلاردىڭ پايدا بولۋىنا اسەر ەتەتىنى بەلگىلى. ال قان قىسىمىن ءارتۇرلى ءدارى-دارمەكتەر ارقىلى تومەندەتۋگە بولادى. بىراق ءبىرىن ەمدەگەنىمەن، اعزانىڭ باسقا مۇشەلەرىنە كەرى اسەرى بولۋى مۇمكىن. سوندىقتان Medicaldaily.com. وزگە ادىستەردى  ۇسىنادى.

  1. سالماعىڭىزدى باقىلاۋدا ۇستاعانىڭىز دۇرىس. دەنەڭىزدەگى ارتىق سالماقتان قۇتىلىپ، كۇدەلىكتى جاتتىعۋ جۇمىستارىن جاساپ جۇرسەڭىز، ءسىزدىڭ قان قىسىمىڭىز دا تۇراقتى بولماق. مايو ەمحاناسىنىڭ دارىگەرلەرىنىڭ ايتۋىنشا، كەم دەگەندە 4,5 كگ-نان ارىلساڭىز، سونىڭ ءوزى ءسىزدىڭ ومىرىڭىزگە ۇلكەن اسەر ەتەدى.
  2. كۇندەلىكتى تۇتىناتىن تۇزدىڭ مولشەرىن باقىلاۋدا ۇستاعانىڭىز ءجون. سەبەبى، بۇل – ادامنىڭ قان-قىسىمىنا اسەر ەتەتىن ماڭىزدى فاكتور. ماماندار راتسيوندارىڭىزعا كاليى كوپ تاعامداردى قوسقان دۇرىس دەيدى. سەبەبى، كالي  تۇزدىڭ قان قىسىمىنا تيگىزەتىن كەرى اسەرىن جويادى.
  3. كوفەين قوسىلعان ازىق-تۇلىكتىڭ مولشەرىن ازايتىڭىز (مىسالى، كوفە، شوكولاد). مۇمكىن بولسا، تىپتەن باس تارتقان ءجون.
  4. سترەسكە ءتوزىمدى بولۋعا تىرىسىڭىز. سەبەبى، اشۋعا بەرىلگىش ادام ىشىمدىككە، تەمەكىگە، ت.ب. زياندى نارسەلەرگە قۇمار كەلەدى. سترەسس  قان-قىسىمىنىڭ جوعارىلاۋىنا سەبەپشى بولادى. ماسەلەن تىنىشتاندىرعىش شاي ىشسەڭىز، سپورتپەن كوپ اينالىسساڭىز، جاقسى ءان تىڭداساڭىز، سترەستەن قۇتىلۋعا بولادى.
  5. مەديتاتسيا – تۇراقتى قان-قىسىمىن قالپىندا ۇستاپ تۇرۋعا كومەكتەسەتىن جانە سترەستەن قۇتىلۋعا ارنالعان بىردەن-ءبىر ءادىس. سونداي-اق، ول – جۇرەك تالماسى مەن ينسۋلتتى بولدىرماۋعا، ۇيقىنى قالپىنا كەلتىرۋگە بولاتىن ءتاسىل.
  6. جەتكىلىكتى مولشەردە ۇيىقتاڭىز. ەگەر ادامدار تۇنگى ۇيقىعا تەك قانا 4-5 ساعات ارنايتىن بولسا، ول دا تۇراقتى قان قىسىمىنا كەرى اسەرىن تيگىزەدى. مايو ەمحاناسىنىڭ دەرەكتەرى بويىنشا، ۋاقىت وتە كەلە ۇيقىنىڭ جەتكىلىكسىز بولۋىنان ادامنىڭ سترەسكە توزىمدىلىگى تومەندەيدى. ال ول ءوز كەزەگىندە گيپەرتونيانىڭ پايدا بولۋىنا اسەر ەتەدى.

“The Qazaq Times”