كوكشەتاۋدان شىققان العاشقى كونتەينەرلىك پويىز جاقىندا عانا اشىلعان باكۋ-تبيليسي-كارس تەمىر جولى ارقىلى تۇكريانىڭ مەرسي قالاسىنا باردى.

كوكشەتاۋدان 20 فۋتتىق كونتەينەرلەرگە تيەلگەن استىق كاسپي تەڭىزى جاعالاۋىنداعى اليات پورتى ارقىلى جاقىندا عانا اشىلعان باكۋ-تبيليسي-كارس تەمىر جولىن باسىپ ءوتىپ، ون كۇن ىشىندە تۇركيانىڭ مەرسي قالاسىنا جەتكىزىلگەن. تاسىمالداۋ بارىسىندا قازاقستاندىق كەڭ تاباندى رەلستەرگە ارنالعان ۆاگوندار گرۋزيا مەن تۇركيا شەكاراسىندا جاڭادان سالىنعان احالكالاكي-كارس بەكەتىندە تار تاباندى رەلستەرگە ارنالعان ۆاگوندارعا الماستىرىلعان. كوكشەتاۋدان مەسري قالاسىنا دەيىنگى قاشىقتىق 5435 شاقىرىمدى قۇراعان. جۇك تاسىمالىن «قازاقستان تەمىر جولى» كومپانياسىنىڭ فيليالى «KTZ Express» ەنشىلەس كومپانياسى جۇزەگە اسىرعان.

«KTZ Express» كومپانياسىنىڭ كونتەينەرلىك تاسىمالداۋ دەپارتامەنتىنىڭ باسشىسى المات كارىموۆتىڭ سوزىنشە، جاڭادان اشىلعان باكۋ-تبيليسي-كارس تەمىر جول تورابىنىڭ جىلدىق جۇك تاسىمالداۋ الەۋەتى 10 ميلليون توننا. جاقىن ۋاقىتتا قازاقستان ءدال وسى جول ارقىلى تۇركياعا، ودان ارى ەۋروپاعا كەلەسى جۇك كەزەگىن جونەلتپەك.

ەستەرىڭىزگە سالايىق، باكۋ-تبيليسي-كارس تەمىر جولى قازان ايىنىڭ 30-ى كۇنى اشىلعان. وعان قازاقستان پرەمەر-ءمينيسترى باقىتجان ساعىنتاەۆ، تۇركيا پرەزيدەنتى رەجەپ تايىپ ەردوعان، گرۋزيا باسشىسى گەورگي مارگۆەلاشۆيلي جانە ءازىربايجان پرەزيدەنتى يلحام اليەۆ قاتىسقان بولاتىن.

“The Qazaq Times”