فوتو: Knews

المازبەك اتامباەۆ شەكارا قاۋىپسىزدىگىن كۇشەيتۋدى تاپسىردى – دەپ حابارلايدى قىرعىزستاندى باق وكىلدەرى.

قىرعىزستان پرەزيدەنت اكىمشىلىگى ءباسپاسوز قىزمەتى تاراتقان مالىمەت بويىنشا، قاراشا ايىنىڭ 8-ءى كۇنى قىرعىزستان قارۋلى كۇشتەرى باس شتابىنىڭ باسشىسى رايمبەردى دۇيشەنبيەۆ المازبەك اتامباەۆقا شەكارا جاعداي مەن قارۋلى كۇشتەردىڭ دايىندىعى جايىندا ەسەپ بەرگەن. كەزدەسۋ بارىسىندا دۇيشەنبيەۆ باتكەنسك وبلىسىنداعى «مىڭ بۇلاق» زاستاۆاسىنىڭ قۇرىلىسى اياقتالىپ، اشىلۋعا دايىن ەكەندىگىن ايتقان. ال المازبەك اتامباەۆ ءوز كەزەگىندە دۇيشەنبيەۆكە شەكارا قاۋىپسىزىگىن كۇشەيتۋگە تاپسىرما بەرىپ، ەلدىڭ قورعانىس سالاسىن ودان ارى دامىتۋ كەرەكتىگىن ايتقان.

بۇعان دەيىن مامىر ايىنىڭ سوڭىندا قىرعىزستان قارۋلى كۇشتەرىنىڭ 25 جىلدىعىندا سويلەگەن سوزىندە اتامباەۆ: «قىرعىز ارمياسىندا رەفورما ءساتتى جۇرگىزىلدى. قىرعىزستان قارۋلى كۇشتەرىنىڭ قازىرگى ءال-اۋقاتى التى جىلدىق ەڭبەكتىڭ ناتيجەسى» - دەگەن بولاتىن.

“The Qazaq Times”