بالالاردىڭ تىنىس دەمىكپەسى سەمىزدىككە اكەلىپ سوعادى

«امەريكالىق عالىمداردىڭ ايتۋىنشا، بۇلدىرشىندەر مەن جاسوسپىرىمدەردەگى تىنىس دەمىكپەسى  سەمىزدىكتىڭ پايدا بولۋىنا اكەلىپ سوعادى»، – دەپ حابارلايدى BBC.com. زەرتتەۋ جۇمىستارى American Journal and Critical Care Medicine ءباسپاسوز بەتتەرىندە جاريالاندى.  

تىنىس دەمىكپەسى – كەيدە تىنىس جولدارى تارىلىپ اۋىراتىن، سوزىلمالى اۋرۋ. بۇكىلالەمدىك دەنساۋلىق ساقتاۋ ۇيىمىنىڭ مالىمەتىنە سۇيەنسەك، 235 ميلليون ادام، ونىڭ ىشىندە بالالار دا اتالمىش دەرتكە شالدىققان. سوڭعى كەزدەرى اۋىرىپ جۇرگەندەردىڭ پاتولوگياسى ارتىق سالماقپەن بايلانىستىرىلادى.  سەبەبى، وسىعان دەيىنگى زەرتتەۋدىڭ ناتيجەسى بويىنشا، ارتىق سالماقتاعى  ەمدەلۋشىلەردىڭ 52 پايىزى  تىنىس دەمىكپەسىنە شالدىققان.

وڭتۇستىك كورەيا ۋنيۆەرسيتەتىنىڭ عالىمدارى جاس ارالىعى 9,7-17,8 بولاتىن 2171 بالانى زەرتتەۋ نىسانى ەتىپ العان. ونىڭ ىشىندە 13,5 پايىزى دەمىكپە اۋرۋىنا شالدىققاندار. العاشىندا بىردە-ءبىر  ادامدا ارتىق سالماق بولماعان. الايدا 10 جىلدىڭ ىشىندە زەرتتەۋ نىساندارىنىڭ 15,9 پايىزىندا سەمىزدىك پايدا بولعان. ستاتيستيكالىق اناليز، تىنىس دەمىكپەسىمەن اۋىراتىن ادامداردىڭ سەمىزدىككە شالدىعۋ قاۋپى 52 پايىزعا جوعارى.

فيزيكالىق بەلسەندىلىك، الەۋمەتتىك جاعداي سەكىلدى فاكتورلار بۇل ديناميكامەن بايلانىستى ەمەس ەكەندىگىن كورسەتكەن. زەرتتەۋشىلەر  بالالاردىڭ دەنساۋلىعى جانە فيزيكالىق بەلسەندىلىگى جايلى اتا-انالارىنىڭ سوزىنە سۇيەنگەن.

وسى زەرتتەۋ جۇمىستارىنان كەيىنگى اۆتورلاردىڭ قورىتىندىسى بويىنشا،  "تىنىس دەمىكپەسى" بۇلدىرشىندەر مەن جاسوسپىرىمدەردىڭ سەمىزىدككە شالدىعۋىنا سەبەپكەر بولادى.

"The Qazaq Times"