المازبەك اتامباەۆ قورىتىندى ءباسپاسوز ءماسليحاتىن وتكىزبەك

قىرعىزستان باسشىسى المازبەك اتامباەۆ ءوزىنىڭ پرەزيدەنتتىك وكىلەتتىگى اياقتالۋىنا بايلانىستى ءباسپاسوز ءماسليحاتىن وتكىزبەك.

بۇگىن قىرعىزستان پرەزيدەنت اكىمشىلىگى تاراتقان مالىمەت بويىنشا، المازبەك اتامباەۆ قاراشا ايىنىڭ 15-ءى كۇنى ءوزىنىڭ پرەزيدەنتتىك وكىلەتتىگى اياقتالۋىنا بايلانىستى قورىتىندى ءباسپاسوز ءماسليحاتىن وتكىزەتىن بولادى. وندا ول 2011 جىلدان بەرى ىستەگەن جۇمىستارى جايىندا قىرعىزستان حالقى الدىندا ەسەپ بەرەدى دەپ كۇتىلۋدە.

ەستەرىڭىزگە سالايىق، بۇعان دەيىن قىرعىزستان پەرزيدەنت اكىمشىلىگى "قاراشا ايىنىڭ 24-ءى كۇنى قىرعىز ەلىنىڭ جاڭا پرەزيدەنتى سوورونباي جەەنبەكوۆتىڭ يناۋگۋراتسياسى وتەدى" دەگەن اقپارات تاراتقان. ال المازبەك اتامباەۆتىڭ وكىلەتتىك مەرزىمى 2017 جىلدىڭ 1 جەلتوقسانىندا اياقتالاتىن بولادى.

“The Qazaq Times”