قر سەنات توراعاسى قاسىم-جومارت توقاەۆ. فوتو: sputniknews.kz

قازىر قوعامدا لاتىن الىپبيىنە كوشۋ تۋرالى ماسەلە قىزۋ تالقىلانىپ جاتىر. پرەزيدەنت نۇرسۇلتان نازارباەۆ قازان ايىندا "قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى" جارلىق شىعارعان. الايدا، ازىرگە دەيىن پارلامەنتكە ۇسىنىلعان ءالىپبي نۇسقاسى قوعامدا قاراما قايشىلىق تۋدىرىپ وتىر.

ەسكە سالا كەتەيىك، العاشقىلاردىڭ ءبىرى بولىپ پارلامەنتتە تانىستىرىلعان لاتىن گرافيكاسىنا نەگىزدەلگەن قوسارلانعان ارىپتەر قوعامدا نارازىلىق تۋدىرعان. وسىدان كەيىن ۇسىنىلعان 32 ارىپتەن تۇراتىن، اپوستراف ارقىلى بەلگىلەنگەن قازاق ارىپتەرى دە قوعامدا وڭ باعاسىن العان جوق.

وسىعان بايلانىستى قازاقستان رەسپۋبليكاسىنىڭ سەنات توراعاسى قاسىم-جومارت توقاەۆ قازاق ءالىپبيىن لاتىنعا كوشىرۋ كەزىندە قوعامداعى پىكىرلەر مەن ۇسىنىستارعا نازار اۋدارۋ كەرەگى تۋرالى ءوزىنىڭ Twitter الەۋمەتتىك جەلىسىندە جازدى. ول: "ۇلتتىق كوميسسيا لاتىن ءالىپبيى بويىنشا قوعام تالقىلاۋىنداعى ماردىمدى ۇسىنىستاردى ەسكەرۋى قاجەت". سونىمەن قاتار،  وسىعان دەيىن ەلباسى ايتقانىنداي، لاتىن ءالىپبيىن قولدانىسقا ەنگىزۋدى كەزەڭ-كەزەڭىمەن ىسكە اسىرعان ءجون", - دەپ جازعان الەۋمەتتىك جەلىدەگى پاراقشاسىندا.

مادينا كەرىمقۇلوۆا

“The Qazaq Times”