فوتو: Nur.kz

ءدارى-دارمەك ساتىپ الۋ جونىندەگى بىرىڭعاي ديستريبيۋتور «سق-فارماتسيا» جشس 2018 جىلى تۇرعىنداردى تەگىن ءدارى-دارمەكپەن قامتاماسىز ەتۋگە ارنالعان ساتىپ الۋ راسىمدەرىن باستادى. بۇل تۋرالى ۇيىمنىڭ ءباسپاسوز قىزمەتى حابارلادى. 

«سق-فارماتسيا» باسقارما توراعاسىنىڭ مىندەتىن اتقارۋشى اسەمگۇل ەرجانوۆانىڭ سوزىنشە، ساتىپ الىناتىن ءدارى-دارمەكتەردىڭ كولەمىن مەديتسينالىق ۇيىمداردىڭ وزدەرى مالىمدەگەن، ال تەگىن ءدارى-دارمەكپەن قامتاماسىز ەتۋ ءۇشىن ءدارى-دارمەكتەر ءتىزىمىن دەنساۋلىق ساقتاۋ مينيسترلىگى بەكىتكەن.

سونداي-اق، بىرىڭعاي ديستريبيۋتوردىڭ بۇل تىزىمىنە،  اربىر پرەپاراتقا شەكتى ساتىپ الۋ باعاسى كورسەتىلە وتىرىپ،  بارلىعى 1137 دارىلىك زاتتار مەن مەديتسينالىق ماقساتتاعى بۇيىمداردىڭ اتاۋلارى قوسىلدى.

«2018 جىلعا الدىن الا بەرىلگەن وتىنىمدەر بويىنشا بارلىعى 178 ملرد تەڭگەگە ساتىپ الۋ جوسپارلانعان. قازىر تەندەر جالپى سوماسى 82,4 ملرد تەڭگەنى قۇرايتىن 489 اتاۋلارعا جاريالاندى»، - دەيدى ەرجانوۆا.

“The Qazaq Times”