فوتو: sk-pharmacy.kz

ءدارى-دارمەكتى ساتىپ الۋ بويىنشا بىرىڭعاي ديستريبيۋتور «سق-فارماتسيا» جشس 2017 جىلعى ەپيدەميولوگيا ماۋسىمىنا تۇماۋعا قارسى بىر جارىم ميلليونداي دوزا ۆاكتسينا ساتىپ الدى. بۇل تۋرالى ديستريبيۋتوردىڭ ءباسپاسوز قىزمەتى حابارلادى.

بىرىڭعاي ديستريبيۋتور باسقارما توراعاسى ماكسيم كاساتكيننىڭ ايتۋىنشا، ۆاكتسينانىڭ مۇنداي كولەمىن جەتكىزۋ شارتى تەندەر قورىتىندىلارى بويىنشا 2016 جىلدىڭ قاراشا ايىندا جاسالىپ قويعان. حالىقتىڭ نەعۇرلىم وسال توبىنا تەگىن ۆاكتسيناتسيا جاساۋ ءۇشىن مەملەكەت 1,2 ملرد تەڭگەدەن اسا قاراجات جۇمسادى.

«ساتىپ الۋلاردى جۇزەگە اسىرۋ وتكەن جىلدىڭ كۇزىندە باستالعان بولاتىن، الايدا جەتكىزۋ ەپيدماۋسىمنىڭ ەڭ باسىنا، ياعني 2017 جىلدىڭ قىركۇيەگىنە جوسپارلانعان. قازىر وسى مەزگىل جەتتى جانە جاقىن ارادا ءونىم بەرۋشى بىرىڭعاي ديستريبيۋتوردىڭ قويمالارىنا ۆاكتسينانى ءتۇسىرۋ جۇمىستارىن باستايدى»، - دەپ ءتۇسىندىردى ماكسيم كاساتكين.

ول، سونىمەن قاتار، ەگەر قوسىمشا قاجەتتىلىكتەر تۋىنداعان جاعدايدا ءونىم بەرۋشى قازاقستاندىقتار ءۇشىن تاعى دا جارتى ميلليون دوزاعا دەيىن ۆاكتسينا جەتكىزە الاتىنىن حابارلادى.

ايتا كەتەيىك، قازىرگى كەزدە تۇماۋ ۆيرۋسىنان حالىقتى ۆاكتسيناتسيالاۋ بويىنشا بەلسەندى جۇمىس جۇرگىزىلىپ جاتقانمەن، ونى قولدانۋشىلار بۇل مەدكومەككە تۇتىنۋدى ازايتقان. مۇنى دەنساۋلىق ساقتاپ مينيسترلىگى دە ايتقان بولاتىن.

“The Qazaq Times”