فوتو: Pixabay

تۇرعىن ءۇي قۇرىلىس جيناق بانكىنىڭ 120 سالىمشىسى قوستانايدا پاتەر كىلتىن الدى. بۇل تۋرالى بانكتىڭ ءباسپاسوز قىزمەتى حابارلادى.

جاڭا باسپانا يەلەرىنە ارناپ بىردەن ەكى ءۇي پايدالانۋعا بەرىلىپ وتىر. نىساندار «نۇرلى جەر» باعدارلاماسىنىڭ اياسىندا جەرگىلىكتى اتقارۋشى ورگاندار باعىتى بويىنشا سالىنعان. پاتەرلەردىڭ 50%-ى تۇرعىن ءۇي قۇرىلىس جيناق بانكى («بايتەرەك» حولدينگىنىڭ ەنشىلەس ۇيىمى) سالىمشىلارىنا، ال قالعان 50%-ى اكىمدىكتە ءۇي كەزەگىندە تۇرعان ادامدارعا بەرىلدى.

«نۇرلى جەر» باعدارلاماسىمەن بەرىلەتىن پاتەرلەردى بانك سالىمشىلارى تۇرعىن ءۇي، ارالىق جانە الدىن-الا زاەمدارىنىڭ ەسەبىنەن ساتىپ الا الدى. ول بويىنشا جىلدىق نەسيە مولشەرلەمەسى 3,5-5% ارالىعىندا بولعان.

بانكتىڭ مالىمەتىنشە، قازىرگى كەزدە ايماقتىڭ 43 000 تۇرعىنى تۇقجب-دا ءۇي الامىز دەپ اقشا جيناۋدا. قازىر ولار 1 شارشى مەترىنىڭ باعاسى 128 000 تەڭگە بولاتىن قۇنى تومەندەتىلگەن ءۇي الۋ مۇمكىندىگىن دە پايدالانا الادى ەكەن.

“The Qazaq Times”