فوتو: مونتسامە

ۇلان-باتىردا كەزەكتى قازاق-موڭعول بيزنەس كەزدەسۋى ءوز مارەسىنە جەتتى – دەپ حابارلايدى مونتسامە اقپارات اگەنتتىگى.

موڭعوليا استاناسى ۇلان-باتىر قالاسىندا وسىمەن ەكىنشى رەت وتكەن قازاق-موڭعول بيزنەسمەندەرىنىڭ كەزدەسۋىن بۇل جولى قازاقستان ەلشىلىگى، موڭعوليا ۇلتتىق ساۋدا-وندىرىستىك پالاتاسى جانە «KAZNEX INVEST»  ەكسپورت جانە ينۆەستيتسيا اگەنتتىگى ۇيىمداستىرعان. قازاقستاننىڭ موڭعولياداعى ەلشىسى قالىبەك قوبلانديننىڭ سوزىنشە، قازاق-موڭعول قارىم-قاتىناسىنىڭ دامۋىنا ينفراقۇرىلىم ماسەلەسى كەدەرگى بولىپ تۇر. بۇل ماسەلەنى شەشۋ ءۇشىن قوس تاراپقا ەاەو ەلدەرىنىڭ كومەگى قاجەت. ال قازاقستان مەن موڭعوليانىڭ تۋريزم سالاسىن دامىتۋ ءۇشىن ەكى ەلدى بايلانىستىراتىن اۋە، كولىك جانە تەمىر جول رەيستەرىن كوبەيتۋ كەرەك.

قازىرگى تاڭدا موڭعوليا قازاقستاننان اۋىل شارۋشىلىعى تەحنيكالارىن يمپورتتايدى. سوڭعى ستاتيستيكالىق مالىمەتتەرگە سۇيەنەتىن بولساق، بيىل ەكى ەل اراسىنداعى ساۋدا اينالىمى 29 ميلليون دوللاردى قۇراعان. ال وسى جولعى بيزنەس كەزدەسۋدىڭ قورىتىندىسى بويىنشا، قۇنى 13,3 ميلليون دوللاردى قۇرايتىن قۇجاتتارعا قول قويىلعان.

“The Qazaq Times”