فوتو: sputniknews.kz

قازاقستان رەسپۋبليكاسىنىڭ مادەنيەت جانە سپورت ءمينيسترى ارىستانبەك مۇحامەديۇلى قىسقا ۋاقىتتا لاتىن الىپبيىنە اۋدارىلعان نۇرسۇلتان نازارباەۆتىڭ كىتابى جايىندا پىكىر ءبىلدىردى.

سوڭعى كۇندەرى الەۋمەتتىك جەلىلەردە قىزۋ تالقىلانعان نۇرسۇلتان نازارباەۆتىڭ «جىلدار مەن ويلار» اتتى كىتابىنىڭ لاتىن ارپىندە جارىق كورۋىن قر مادەنيەت جانە سپورت ءمينيسترى ارىستانبەك مۇحامەديۇلى جۋرناليستەرگە ءتۇسىندىردى. ول وندا: «بۇل رەسمي ەمەس شىعارىلىم. عالىمدار ءۇش سەكۋندتا كيريلليتسادان لاتىنعا اۋدارۋعا بولاتىن باعدارلاما ويلاپ تاپقان. سونىڭ كومەگىمەن ءبىز كىتاپتى قىسقا ۋاقىت ارالىعىندا اۋدارىپ شىقتىق. ال ونى باسىپ شىعارۋعا كەلەتىن بولساق، ول اسا ءبىر قيىندىق تۋعىزاتىن شارۋا ەمەس. سەبەبى كەز كەلگەن باسپاحاناعا بارساڭىز ەكى-ءۇش ساعات ىشىندە سىزگە كىتاپتى دايىنداپ بەرەدى. بىراق بۇنىڭ بارلىعى سىناق تۇرىندە جۇرگىزىلگەن جۇمىستار» - دەگەن.

ەستەرىڭىزگە سالايىق، نۇرسۇلتان نازارباەۆتىڭ «جىلدار مەن ويلار» كىتابىن قازان ايىنىڭ 27-ءسى كۇنى لاتىن الىپبيىنە كوشۋ تۋرالى زاڭعا قول قويىلعاننان كەيىن ءۇش كۇننەن سوڭ كيريلليتسادان لاتىنعا اۋدارعان بولاتىن.

“The Qazaq Times”