قازاقستاننىڭ ۇلتتىق بانكى حالىقارالىق كەڭەسشىلەر مەن اۋديتورلىق كومپانيالارمەن بىرگە ون ءتورت ءىرى قارجى ورتالىعىن تەكسەرۋدى باستادى.

اتالعان ءىرى قارجى ورتالىقتارىنىڭ جالپى ۇلەسى ەلدەگى نارىقتىڭ 90%-ى سانالادى. ەكىنشى دەڭگەيلى بانكتەردى تەكسەرۋ بارىسىندا قارىز بەرۋ، دۇنيە-مۇلىكتى كەپىلگە بەرۋ سىندى ەسەپ-قيساپتار قارالاتىن بولادى. وسىعان بايلانىستى ۇلتتىق بانكتىك رەتتەۋ دەپارتامەنتى وكىلدەرىنىڭ ايتۋىنشا، رەۆيزورلار بيزنەس جانە كورپوراتيۆتى باسقارۋ پروتسەستەرىن ءجىتى قاداعالاماق.

ايتا كەتەيىك، بۇعان دەيىن پرەزيدەنت قاسىم-جومارت توقاەۆ ەلدەگى بانكتەردى تەكسەرۋ تۋرالى تاپسىرما بەرگەن بولاتىن. تەكسەرۋگە ارنالعان باعالاۋ باعدارلاماسى ەۋروپالىق ورتالىق بانكتىڭ ءادىسى بويىنشا دايىندالعان.

"The Qazaq Times"