قازاقستاندا جوعارى ءبىلىمى مەن تاجىريبەسى جوق جاستار قىلمىسقا بارادى نەمەسە ماسىل بولادى. قازاقستان پرەزيدەنتى اكىمشىلىگى جەتەكشىسىنىڭ ءبىرىنشى ورىنباسارى داۋرەن اباەۆ مەملەكەتتىك "حابار" ارناسىنداعى "وتكرىتىي ديالوگ 2.0" باعدارلاماسىنا بەرگەن سۇحباتىندا وسىلاي دەدى.
"بىزدە مەكتەپ بىتىرگەن سوڭ مەملەكەتتىڭ نازارىنا ىلىنبەي قالاتىن جاستار بار. ولار مەكتەپتى ناشار وقىعاندىقتان جوعارعى وقۋ ورنىنا تۇسە المايدى. جوعارى ءبىلىمى، تاجىريبەسى بولماعاندىقتان ولاردى جۇمىسقا المايدى. ولار نە ىستەيدى؟ قىلمىسقا بارادى يا ماسىل بولادى" دەدى ول 2 قىركۇيەكتە.
اباەۆ وسى ءسوزدى ايتاردان ءبىر كۇن بۇرىن، ياعني، 1 قىركۇيەكتە قازاقستان پرەزيدەنتى قاسىم-جومارت توقاەۆ تا جولداۋىندا ەلدە "الەۋمەتتىك باعدارلامالاردى جەكە مۇددەسىنە پايدالاناتىن" ادامدار بارىن ايتىپ، "ماسىلدىقتى" سوككەن.
"قوعامدا پاتەرناليستىك كوڭىل-كۇي جانە الەۋمەتتىك ماسىلدىق ءۇردىسى بەلەڭ الدى. ەل ىشىندە الەۋمەتتىك باعدارلامالاردى جەكە مۇددەسىنە پايدالاناتىندار از ەمەس. ونداي ادامدار كەز كەلگەن وركەنيەتتى ەلدەگى سياقتى زاڭنىڭ جانە بۇكىل قوعامنىڭ الدىندا جاۋاپ بەرۋى كەرەك" دەگەن ەدى توقاەۆ.
قازاقستان شەنەۋنىكتەرى كەيىنگى كەزدە "حالىق اراسىنداعى ماسىلدىق" تۋرالى كوپ ايتىپ، مەملەكەتتەن الەۋمەتتىك كومەك تالاپ ەتكەندەردى ءجيى سىنايتىن بولدى. ماسەلەن، 2019 جىلى تامىزدا قازاقستاننىڭ ەكس-پرەزيدەنتى نۇرسۇلتان نازارباەۆ ءوزى باسقاراتىن "نۇر وتان" پارتياسىنىڭ جيىنىندا مەملەكەت كومەگىنە يەك اراتقانداردى "ماسىلدىق كوزقاراستان ارىلۋعا شاقىرعان". ونىڭ "ەكى سيىر ساتىپ ال دا، ءوزىڭدى اسىرا" دەگەن ءسوزى قوعام اشۋىن تۋعىزعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى