سينگاپۋر جول ۇستىندەگى كولىك قوزعالىسى ماسەلەسىن قالاي شەشتى؟

قۇرال-جابدىقتار مەن تەحنيكا ساتىپ الۋ ءۇشىن ەڭ قىمبات ورىن سانالاتىن سينگاپۋر كەلەسى جىلدان باستاپ، جەكە كولىكتەردىڭ سانىن جىل سايىن 0,25-كە قىسقارتىپ، قوعامدىق كولىكتەردىڭ سانىن ارتتىرماق. جول ۇستىندەگى كولىك تىعىنى مەن قوزعالىس قيىندىعى ماسەلەسىن شەشۋ ءۇشىن مۇندا كولىك الاتىن ادام ونى جۇرگىزۋ ءۇشىن دە ارنايى رۇقسات الادى. 

بۇل كۋالىك  10 جىلعا جارامدى، ءارى قۇنى شامامەن 50 مىڭ سينگاپۋر دوللارىنا(ارى قاراي - Sg$) تەڭ. بىراق بۇل باعا كولىكتىڭ تۇرىنە بايلانىستى تاعى وزگەرەدى. ماسەلەن، Toyota Corolla Altis كولىگىن ءمىنۋ ءۇشىن رۇقساتتى 111 مىڭ Sg$ ساتىپ الاسىز. سينگاپۋر وسىلاي وزگە ازيا ەلدەرىنىڭ باستى ماسەلەسىنە ارنالعان كولىكتىڭ كوپتىگىنەن تۋىندايتىن قيىندىقتاردىڭ الدىن الىپ وتىر.

2016 جىلدىڭ سوڭىندا سينگاپۋردا  600 مىڭعا جۋىق جەكە كولىك تىركەلگەن. جەرگىلىكتى كولىك اكىمشىلىگىنىڭ مالىمەتىنشە، سينگاپۋر تەرريتورياسىنىڭ 12 پايىزىن كولىك جولدارى الىپ جاتىر. 5,6 ملن حالقى بار، جەر كولەمى 719,2 كم2 مەملەكەت ءۇشىن بۇل - ەداۋىر كورسەتكىش.

“The Qazaq Times”