سينگاپۋر بيلىگى جاقىندا Xavier اتتى ەكى جاڭا پوليتسيا روبوتىن شىعاردى. ولار قوعامدىق ورىندارداعى قاۋىپسىزدىكتى باقىلايدى ءارى زاڭبۇزۋشىلىقتاردى انىقتايدى.
2020 جىلعى مامىرىندا سينگاپۋر بيلىگى COVID-19 پاندەمياسى كەزىندە الەۋمەتتىك اراقاشىقتىق ساقتاۋ ماقساتىندا Boston Dynamics Spot Robot Dog روبوت-ءيتىن قولدانىپ، يننوۆاتسيالىق جوبامەن تانىمالدىعى ارتقان. بيشان-انگ مو كيو ساياباعىن باقىلايتىن بۇل روبوتتى الەۋمەتتىك جەلى قولدانۋشىلارى «قارا اينا» («چەرنوە زەركالو» – ورىسشا) سەرياسىنىڭ فۋتۋريستىك جانە ديستوپيالىق ەپيزودىنا ۇقساتقان.
جۋىردا سينگاپۋر اكىمشىلىگى عىلىم مەن تەحنولوگيا اگەنتتىگى (HTSTA) Xavier دەپ اتالاتىن تاعى ەكى اۆتونومدى روبوتتى تەستتىك رەجيمدە پايدالانا باستادى. ولار قىركۇيەك ايىندا قوعامدىق ورىندارداعى تۇرعىنداردىڭ كارانتين ەرەجەسىن ساقتاۋىن باقىلايدى. ازىرگە پوليتسەي-روبوتتار تەستى جاياۋ جۇرگىنشىلەر كوپ جۇرەتىن قالانىڭ كورنەكتى ورىنى توا-پايو-سەنترال ورتالىعىندا جۇرگىزىلىپ جاتىر.
روبوتتارعا اينالىمى 360 گرادۋستىق كامەرا ورناتىلعان. تەمىر-ساقشىلار تارتىپكە قايشى قويىلعان ۆەلوسيپەدتەر، قوعامدىق ورىنداردا شىلىم تارتقاندار مەن بەس ادامنان ارتىق توپتاسۋ، ماسكا رەجيمىن ساقتاماۋ، جاياۋ جۇرگىنشىلەر جولاعىمەن جۇرەتىن موتوتسيكل سياقتى زاڭبۇزۋشىلىقتاردى انىقتايدى. جوسپارعا ساي روبوتتار قۇقىق قورعاۋ ورگاندارىنىڭ جۇمىسىنا كومەكتەسۋى ءتيىس.
سينگاپۋر وسىعان دەيىن دۋباي بيلىگىمەن Robocop كونتسەپتسياسى ۇلگىسىندە روبوت-پوليتسەيلەر دايىنداۋ جونىندە مەموراندۋم جاساسقان. ءوندىرۋشى سينگاپۋر قالا-مەملەكەتىندەگى بەدەلدى يننوۆاتسيالىق Otswa Digital كومپانياسى ازىرلەگەن O-R3 اۆتونومدى روبوت-كولىكتەرى بىرەر جىلدان بەرى دۋباي كوشەلەرىندە پوليتسياعا كومەكشى قۇرال رەتىندە قولدانىلىپ كەلەدى. سينگاپۋرلىق كومپانيا 2030 جىلعا قاراي دۋباي پوليتسياسىنىڭ تورتتەن ءبىر بولىگىن روبوتتارمەن قامتاماسىز ەتەتىنىن مالىمدەگەن.
ءلاززات قۇماربەكقىزى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى